राज ठाकरे यांचा नरेंद्र मोदींना चिमटा

raj thakrey cartoon
raj thakrey cartoon

पुणे : मनसेप्रमुख राज ठाकरे यांनी आणीबाणीच्या स्मृतिदिनी पंतप्रधान नरेंद्र मोदी यांना चिमटा काढला आहे. भाजप आणि मोदी यांनी आणीबाणीच्या स्मृती जागवत आज काॅंग्रेस आणि गांधी कुटुंबियांवर हल्ला बोल केला. राज यांनी व्यंगचित्रातून मोदी यांचे व्यक्तिमत्त्व उभे केले आहे.

इंदिरा गांधी यांनी लादलेली आणीबाणी हा स्वातंत्र्यावर कसा हल्ला होता, हे सांगण्यासाठी केंद्र सरकारने जाहिराती प्रसारित केल्या होत्या. तसेच मोदी यांनी या विषयावरम मुंबईत भाषण देऊन गांधी कुटुंबावर टीका केली होती. गांधी घराण्याची सत्ता गेलीकी देश धोक्यात असल्याची आवई उठवली जात असल्याचा टोमणा मोदी यांनी लगावला आहे.

राज यांनी प्लॅस्टिकबंदीवरून आज पत्रकार परिषद घेतली होती. या पत्रकार परिषदेतच राज यांना मोदींच्या आणीबाणीच्या वक्तव्यावर प्रश्न विचारला होता. या प्रश्नाला त्यांनी थेट उत्तर दिले नाही. मी एक तासात व्यंगचित्रातून याला उत्तर देईल, असे सांगितले होते. त्यानंतर त्यांनी हे व्यंगचित्र ट्विट केले.

मोदी यांच्या काळात निवडणूक आयोग, उद्योगपती, माध्यमे, रिझर्व्ह बॅंक हे सारे पायदळी तुडविले गेल्याचे या व्यंगचित्रात दाखवले आहे. त्यांच्या छाताडावर उभे राहून मोदी हे इंदिरा गांधीच्या आणीबाणीवर टीका करत आहेत. त्यांच्या शेजारी भाजपचे अध्यक्ष अमित शहा हे मोदींच्या वक्तव्यावर टाळ्या वाजवत असल्याचे राज यांनी दाखविले आहे.  

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com