Pune : "त्यांचे अन् माझे विचार एकच, आता त्यांना भेटून ओळख वाढवेन"

Sushma Andhare : दोन महिन्यांपूर्वी वंचितचे नेते प्रकाश आंबेडकर (Prakash Ambedkar) यांनी सुषमा अंधारे यांना ओळखत नाही. तसेच चळवळीच्या ठिकाणी त्यांची भेट झाली नसल्याचे म्हटले होते. आता शिवसेना आणि वंचित यांची आघाडी झाली आहे. या आघाडीचे सुषमा अंधारे यांनी स्वागत करत लवकरच प्रकाश आंबेडकर यांची भेट घेणार असल्याचे सुषमा अंधारे यांनी सांगितले आहे.

पुण्यातील पत्रकार परिषदेत सुषमा अंधारे यांना भिमशक्ती-शिवशक्ती एकत्र येण्याबाबत, तसेच प्रकाश आंबेडकर यांच्या वक्तव्याबाबत प्रश्न विचारण्यात आले होते.

त्यावर अंधारे म्हणाल्या की, ''भिमशक्ती-शिवशकी युती झाली ते चांगली आहे. प्रकाश आंबेडकर यांनी माझ्यावर कोणत्याही प्रकारची टीका केलेली नव्हती. त्यांनी फक्त ओळख नसल्याचे म्हटले होते. त्यांचे आणि माझे विचार एकच आहेत. आता आंबेडकर यांना भेटेल. त्यांच्याशी ओळख वाढवेल'', असं त्या म्हणाल्या.

पोटनिवडणुकीत शिवसेनेचे काही उमेदवार इच्छूक आहेत. याबाबत विचारले असता अंधारे म्हणाल्या की, ''दोन्ही ठिकाणी आमदारांचे दुर्दैवी निधन झाले आहे. त्या ठिकाणी पोटनिवडणुका लागल्या आहेत. त्यामुळे कार्यकर्त्यांनी इच्छा व्यक्त करणं स्वाभाविक असतं, पण निर्णय पक्ष प्रमुख घेतात. त्यामुळे त्यावर बोलणं उचित ठरणार नाही'', असं भाष्य त्यांनी यावेळी केलं.