Supriya Sule : 'जे सत्य तेच दाखवलं पाहिजे : विरोधी सिनेमे खपवून घेतले जाणार नाही'

पुणे : मागील काही दिवसांपासून ऐतिहासिक चित्रपटांवरून महाराष्ट्रात वाद निर्माण झाला आहे. यावरून राष्ट्रवादीचे नेते व आमदार जितेंद्र आव्हाड यांनी हर हर महादेव या चित्रपटाचे खेळ बंद पाडले होते. यामुळ त्यांना अटक होऊन त्यांना जामीन ही मिळाला होता. शिवरायांच्या इतिहासाचं विकृतीकरण होत असल्याचा आरोप त्यांनी केला होता. यावरूनच आता राष्ट्रवादीच्या खासदार सुप्रिया सुळे यांनी प्रतिक्रिया दिला आहे.

इतिहास हा करमणुकीसाठी नाही, इतिहासाची तोडफोड नको, बांधल कुटूंबाबाबत नेमकं काय दाखवले आहे? हे सर्व सगळ्या इतिहासचे साक्षीदार आहेत, ते छत्रपती शिवाजीराजांशी एकनिष्ठ होते, विश्वासू होते, इतिहासानुसार जे सत्य आहे ते दाखवले पाहिजे, मात्र हा सिनेमा छत्रपती विरोधी आहे. आपण काही इतिहासकारांना बसवूया, यात राजकारण नाही करायचं, जे चुकीचं आहे ते चुकीचं आहे, विरोधी सिनमे खपवून घेतले जाणार नाही, असे परखड मत सुळे यांनी व्यक्त केले.

उद्योगाबाबत मी जे काही वाचलं ते ट्विट केलं, त्यामुळे उद्योग गेले त्यावर बोलले मी कोणावरही टीका केली नाही, जे माध्यमात छापून आलं ते सागितलं. पक्ष वाढीसाठी भाजप प्रयत्न करत आहे, बारामती मध्ये स्वागत आहे. जे येत आसतात ते त्यांचं पक्ष वाढवण्यासीठी प्रयत्न करतात असतात, असेही यावेळी सुळे म्हणाले.

यावेळी सुळे यांनी भाजप प्रदेशाध्यक्ष चंद्रशेखर बावनकुळे यांनी राष्ट्रवादी काँग्रेसचे अध्यक्ष शरद पवार यांच्यावर केलेल्या टिपण्णीवरही भाष्य केले. सुळे यावेळी म्हणाल्या की, बावनकुळे अंधश्रद्धावर बोलतात, अंधश्रद्धेच्या प्रश्नावर ज्यामध्ये दाभोळकर यांना जीव गमवावा लागतो, दुसरीकडे आपल्या वडिलांच्या वयाच्या लोकांना असे बोलले जातंय, ही यांची संस्कृती आहे."

संजय राऊत यांना आता जामीन मंजूर झाला, मात्र राऊत कुटुंबातील लोकांचे ते 103 दिवस कसे गेले असतील? असा प्रश्नही त्यांनी विचारला. राजकारणात सगळं काही दडपशाहीने होत नसतं, सत्ताधारी गटाला माझ्या शुभेच्छा आहेत, असेही सुळे म्हणाल्या.

भारत जो़डो यात्रा महाराष्ट्रात जोरदार सुरूआहे, राहुल गांधी यांना खूप प्रेम, त्यांच्याकडून अपेक्षा जास्त आहेत, लोकांच्या फार अपेक्षा जास्त आहेत, असेही सुळे म्हणाल्या.