बैलगाडा शर्यतप्रेमींना महिनाभरात खूशखबर!

बैलगाडा शर्यती सुरू करण्याबाबत सुप्रीम कोर्ट सकारात्मक निकाल देईल : सुनील केदार
बैलगाडा शर्यतप्रेमींना महिनाभरात खूशखबर!
sunil kedarSarkarnama

मंचर (जि. पुणे) : बैलगाडा शर्यतप्रेमींना येत्या महिना ते दीड महिन्यात खूशखबर देण्यात येईल. त्यासाठी महाविकास आघाडी सरकारच्या वतीने सर्वोच्च न्यायालयात शर्यती सुरु करण्याबाबत सकारात्मक निकाल मिळविण्यासाठी जोरदार तयारी करण्यात येत आहे. सर्वोच्च न्यायालयात आमच्या लढाईला शंभर टक्के यश मिळेल, असा विश्वास राज्याचे पशुसंवर्धन मंत्री सुनील केदार यांनी सांगितले. (Supreme Court to rule in favor of bullock cart race : Sunil Kedar)

बैलगाडा शर्यती सुरू करण्याबाबतची सुनावणी सोमवारी (ता. १५ नोव्हेंबर) होणार होती. त्याची तयारी करण्यासाठी पशुसंवर्धन मंत्री केदार हे आज (ता. १४ नोव्हेंबर) अधिकारी, वकिलांसह दिल्लीत दाखल झाले होते. पण, तांत्रिक कारणामुळे सोमवारची सुनावणी पुढे ढकलण्यात आली आहे. त्याबाबत माहिती देताना केदार यांनी वरील माहिती दिली.

sunil kedar
आरआर आबांचा गट पराभवाचा वचपा काढणार की संजयकाका पुन्हा बाजी मारणार?

ते म्हणाले की, गेल्या चार वर्षांपासून बैलगाडा शर्यतींचा विषय सुप्रीम कोर्टात प्रलंबित होता. महाविकास आघाडी सरकार सत्तेवर आल्यानंतर या विषयाला चालना दिली गेली. येत्या सोमवारी (ता. १५) या विषयाची सुनावणी होणार होती. पण, तांत्रिक अडचणींमुळे सुनावणी पुढे ढकलली आहे. पण, दोन दिवसांत सुनावणी होईल, असा मला विश्वास आहे. या महिन्या दीड महिन्यामध्ये निकाल लागेल. कारण, हा विषय ग्रामीण भागाच्या अर्थव्यवस्थेचा आहे. बैलाची खिलार जात जगवायची आहे, त्यासाठी आधार दिला पाहिजे. महाविकास आघाडी सरकार बैलगाडा शर्यती सुरू करण्याबाबत सुप्रीम कोर्टामध्ये सकारात्म निकाली मिळवेल, असा विश्वासही मंत्री केदार यांनी बोलून दाखवला.

sunil kedar
सतेज पाटलांची भाजप नेत्याबरोबर बंद खोलीत चर्चा!

यासंदर्भात सरकारी वकिल ॲड. सचिन पाटील म्हणाले की, बैलगाड्या शर्यती पुन्हा सुरू करण्यासाठी राज्य सरकारने सुप्रीम कोर्टामध्ये अर्ज दिलेला आहे. सुनावणीची तयारी चालू आहे. त्याकरिता पशुसवर्धन मंत्री सुनील केदार हे दिल्लीत आले आहेत. महाराष्ट्र सोडून कर्नाटक, तामिळनाडू व आसपासच्या राज्यांमध्ये बैलगाडा शर्यती सुरु आहेत. मुंबई उच्च न्यायालयाच्या आदेशामुळे महाराष्ट्रात शर्यती बंद आहेत. त्या ताबडतोब सुरु करणे गरजेचे आहे. त्या अनुषंगाने सुनावणी होणार आहे.’’

sunil kedar
ब्रेकिंग न्यूज : बैलगाडा शर्यतप्रेमींची प्रतीक्षा पुन्हा वाढली; सर्वोच्च न्यायालयातील सुनावणी पुढे ढकलली!

“बैलगाडा मालकांच्या सहनशीलतेचा अंत पाहू नका. शेतकऱ्यांना लवकरात लवकर न्याय मिळवून द्यावा. गेली अनेक वर्ष निर्णयाकडे बैलगाडाप्रेमी डोळे लावून बसलेले आहेत,’’ अशी प्रतिक्रिया आंबेगाव तालुक्यातील अवसरी खुर्दचे बैलगाडा मालक बाळासाहेब आरुडे यांनी दिली.

Related Stories

No stories found.
Sarkarnama
www.sarkarnama.in