माळेगाव : कर्तृत्व हे पुरुषाकडेच असते असे नाही, ते स्त्रीकडेही असते. समाजात कोणत्याही कामात स्त्रीला संधी मिळाली तर तिच्या हातून चांगले काम होते. ही भावना मनात ठेवूनच मी महाराष्ट्राचा मुख्यमंत्री असताना विधानसभेत महिला आरक्षणाचा (Womens Reservation) मुद्दा मांडला आणि तो मंजूर करून घेतला, असे प्रतिपादन राष्ट्रवादी काँग्रेसचे (NCP) अध्यक्ष शरद पवार (Sharad Pawar) यांनी बारामतीत केले.
अँग्रीकल्चरल डेव्हलपमेंट ट्रस्ट बारामतीचे कृषी विज्ञान केंद्र व यशदा पुणे या संस्थेच्या संयुक्त विद्यमाने शारदानगर येथे शनिवार (ता.१९) रोजी आयोजित महिला निवासी सरपंच प्रशिक्षण समारंभात शरद पवार बोलत होते. या कार्यक्रमात पुणे,सातारा,सोलापूर,उस्मानाबाद येथील अनेक महिला सरपंच उपस्थित होत्या. तसेच यावेळी यशदा उपसंचालक बी. एम. वराळे, संस्थेचे मुख्य कार्यकारी अधिकारी निलेश नलावडे, सत्र समन्वयक एस. डी. बिराजदार, आर. टी. दीघडे, संस्था समन्वयक प्रशांत तनपुरे, प्रशिक्षण प्रमुख सचिन खलाटे, संतोष गोडसे आदी मान्यवर उपस्थित होते. दरम्यान, पवार यांनी महिलांना समाजकारण व राजकारणातले सल्ले देताना स्वतःच्या जीवनातले अनुभव सांगितले.
पवार म्हणाले, अर्थात आरक्षणामुळे महिलांना स्वतःच्या कतृत्वाचा ठसा उमठविता पुढे येत आहेत, याचा मला मनस्वी आनंद होत आहे. ग्रामविकासाच्या कामात वाद होतात. मात्र, चांगले पारदर्शक काम करायचे असल्यास कधीच ताडजोड करायची नाही. सरपंच म्हणून मिळालेले अधिकार, जबाबदारी आणि कर्तव्याची जानिव मनात राहिली पाहिजे. गावातील प्राथमिक शिक्षण, महिला सबलीकरण, आरोग्य, स्थानिक प्रश्न याबाबतचे निर्णय पंचायत सदस्य व ग्रामस्थ यांनी एकत्र बसून घ्यावेत. गावाचा विकास हेच आपले ध्येय असले पाहिजे, असेही पवार यांनी सांगितले.
लोकांची कामे झाली तर लोक तुम्हाला पुन्हा सत्ता व पद आणि कामाची संधी देतात. मी 1967 साली विधानसभेची पहिली निवडणूक लढवली होती. त्यावेळी मी प्रत्येक घरात जाऊन प्रचार केला होता, अशी आठवणही यावेळी पवार यांनी सांगितली. पुढे लोकांनी मला काम करण्याची संधी दिल्यानंतर काम करत राहिलो. याच कामाच्या जोरावर आजपर्यंत 14 पंचवार्षिक बारामतीत शेवटची एक सभा घेतो.
लोक मला निवडून देत आहेत. याचाच अर्थ आपण लोकांची काम केली तर लोक आपल्याला विसरत नाहीत, असेही पवार यांनी सांगितले. यावेळी महिलांनीही पवार यांना अनेक प्रश्न विचारत मनातील शंकाचे निरसन केले. ग्रामविकासाच्या कामात पवारसाहेब आपण केलेले मार्गदर्शन नक्कीच उपयोगी येईल, असे असे मत आशा शितोळे यांनी मांडले.
अन्...संसद रत्न पुरस्कार मिळाला..!
महिलांना भाषण करता आले पाहिजे, आपले मत त्यांना मांडता आले पाहिजे. माझ्या घरात माझी मुलगी सुप्रिया बारामतीच्या खासदार यांनासुद्धा सुरुवातीला बोलता येत नव्हते. मात्र, काम करत राहिली आणि आज तिला लोकसभेत 3 वेळा संसद रत्न हा पुरस्कार मिळाला आहे. हे केवळ अथक परिश्रमाने शक्य होते. अशी माहिती पवार यांनी सांगताच महिलांनी टाळ्या वाजवत सुप्रिया सुळे यांच्या कतृत्वाचे स्वागत केले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
