Devi Singh Shekhawat Passed Away: माजी राष्ट्रपती प्रतिभाताई पाटील यांचे पती देवीसिंह शेखावत यांचे निधन

Pune News : माजी राष्ट्रपती प्रतिभाताई पाटील यांचे पती देवीसिंह शेखावत (वय 89) यांचे आज (शुक्रवार) पुण्यात निधन झाले.

दोन दिवसांपूर्वी त्यांना हृदयविकाराचा झटका आल्याने त्यांना पुण्यातील केईएम रुग्णालयात उपचारासाठी दाखल करण्यात आले होते.

आज सकाळी साडेनऊ वाजण्याच्या सुमारास त्यांची प्राणज्योत मालवली. आज सायंकाळी 6 वाजता त्यांच्या पार्थिवावर पुण्यात अंत्यसंस्कार होणार आहेत.

माजी आमदार डाँ. देवीसिंह शेखावत हे अमरावतीचे पहिले महापौर होते. देवीसिंह शेखावत आणि प्रतिभा पाटील यांचा विवाह 7 जुलै 1965 रोजी झाला होता.

कोण होते देवीसिंह शेखावत

• देवीसिंह शेखावत यांचे शिक्षण क्षेत्रात मोठे योगदान होते.

• त्यांनी 1972 मध्ये मुंबई विद्यापीठातून पीएचडी केली.

• विद्या भारती शिक्षण संस्था फाऊंडेशन संचालित महाविद्यालयाचे ते प्राचार्य होते.

• देवीसिंह शेखावत 1985 मध्ये अमरावतीमधून आमदार म्हणून निवडून आले होते.