राष्ट्रवादीला खिंडार; अर्धा डझन नगरसेवक शिंदे गटाच्या वाटेवर ?

अडीच महिन्यांपूर्वी शिवसेनेतील तब्बल चाळीस आमदार सोबत घेऊन एकनाथ शिंदे यांनी भाजपासोबत जात मुख्यमंत्रीपद मिळविले.
Navi Mumbai corporation
Navi Mumbai corporationSarkarnama

पुणे : मुख्यमंत्री एकनाथ शिंदे (Chief Minister Eknath Shinde) यांच्याकडून शिवसेनेपाठोपाठ राष्ट्रवादी कॉंग्रेसला (Nationalist Congress) धक्का देण्याची तयारी सुरू केली आहे. राष्ट्रवादी कॉंग्रेसचे नवी मुंबईतील सुमारे अर्धा डझन नगरसेवक राष्ट्रवादीला रामराम करण्याच्या तयारीत आहेत. सर्वजण एकनाथ शिंदे यांच्या गटात प्रवेश करणार असून येत्या काळात अन्य पदाधिकारीदेखील राष्ट्रवादी सोडणार असल्याचे सांगण्यात येत आहे.

Navi Mumbai corporation
केजरीवालांना गुजरात पोलिसांनी ऑटोतून जाण्यास रोखल्याने रंगला हाय व्होल्टेज ड्रामा; व्हिडिओ व्हायरलं...

अडीच महिन्यांपूर्वी शिवसेनेतील तब्बल चाळीस आमदार सोबत घेऊन एकनाथ शिंदे यांनी भाजपासोबत जात मुख्यमंत्रीपद मिळविले. राज्यातील या सत्तापालटानंतर भाजपा आणि मुख्यमंत्री शिंदे गटाची राजकीय हवा निर्माण झाली. त्यामुळे मुंबई, ठाणे, डोंबिवलीसह राज्यात विविध जिल्ह्यातून शेकडो कार्यकर्ते व नेत्यांनी शिंदे यांच्या गटात प्रवेश केला. मात्र, नवी मुंबईतील नगरसेवकांच्या रूपाने राष्ट्रवादीतील नगरसेवक प्रथमच शिंदे गटात येत आहेत.शिंदे गटाकडून राष्ट्रवादीला हा धक्का दिल्याचे मानले जात आहे.

Navi Mumbai corporation
'मुख्यमंत्र्यांच्या सभेसाठी पुरुषांना पाचशे अन् महिलांना तीनशे रुपये!'

पहिल्या टप्प्यात सहा नगरसेवक आले असले तरी येत्या काही दिवसात आणखी नगरसेवक व पक्ष संघटनेतील पदाधिकारी राष्ट्रवादीला रामराम करत एकनाथ शिंदे यांच्या गटात सामील होणार असल्याचे सांगण्यात येत आहे. नवी मुंबईत राष्ट्रवादी कॉंग्रेसची मोठी ताकद होती. मात्र, नव्या मुंबईतील मातब्बर नेते गणेश नाईक यांनी भारतीय जनता पार्टीत प्रवेश केल्यानंतर राष्ट्रवादीची ताकद बऱ्यापैकी कमी झाली आहे. यातूनही नगरसेवक शिंदे गटात सामील झाल्यानंतर राष्ट्रवादी आणखी क्षीण होणार आहे.

येत्या काही महिन्यात राज्यातील जिल्हा परिषदा व महापालिकांच्या निवडणुका जाहीर होणार आहेत. नवी मुंबई महापालिकेची लांबलेली निवडणूदेखील होणार आहे. या पाश्‍र्वभूमीवर राष्ट्रवादीतून मोठ्याप्रमाणात ‘आऊटगोईंग’ सुरू झाले तर निवडणुकीत पक्षाची स्थिती आणखी अडचणीची होण्याची शकयता आहे.राज्यात सत्तापालट झाल्यानंतर शिंदे गट व भाजपात ‘इनकमिंग’ सुरू झाले आहे. राज्यात अनेक ठिकाणी विविध पक्षातून पदाधिकारी व कार्यकर्ते भाजपा व शिंदे गटात सामील होत आहेत.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in