Laxman Jagtap : आयुक्तसाहेब सावध व्हा, गोवर आयसोलेशन कक्ष सुरू करा : आमदार जगतापांची मागणी!

Laxman Jagtap : उद्योगनगरीसह पुण्यातही गोवर आजाराने डोके वर काढण्यास सुरूवात केली आहे.
Laxmana Jagtap
Laxmana JagtapSarkarnama

पिंपरीः स्वाईन फ्लूचे उच्चाटन होत नाही,तोच गोवर या दुसऱ्या संसर्गजन्य आजाराची साथ आली असून मुंबईत,तर तिने कहर केला आहे.पिंपरी-चिंचवडमध्येही ती येण्याची भीती असल्याने शहराचे कारभारी आमदार लक्ष्मण जगताप यांनी पालिका आयुक्त तथा प्रशासक शेखर सिंह यांना वेळीच सावध केले आहे. महापालिकेच्या वायसीएम रुग्णालयात गोवर आयसोलेशन कक्ष त्वरित सुरु करण्याची मागणी त्यांनी आज केली.

Laxmana Jagtap
लग्नाच्या पाचव्या दिवशीच तिचं कुंकू पुसलं ..; मंडपातच त्याचा मृतदेह ठेवण्याची वेळ!

उद्योगनगरीसह पुण्यातही वेगाने पसरणाऱ्या गोवर आजाराने डोके वर काढण्यास सुरूवात केली आहे. त्यामुळे तो मोठ्या प्रमाणात पसरल्यास अनेक लहान बालकांच्या जिवाला धोका ठरू शकतो, याकडे जगतापांनी प्रशासनाचे लक्ष वेधले आहे. त्यामुळे या आजाराबाबत निष्काळजीपणा करून चालणार नाही, असा सावधगिरीचा इशारा त्यांनी दिला आहे.

या आजारावर अद्याप कोणतेही औषध नसल्याने लस देणे हा एकमेव पर्याय आहे. तसेच तो झाल्यानंतर केवळ त्याची लक्षणे नियंत्रित करून उपचार केले जातात. त्यामुळे या रोगाला तातडीने प्रतिबंध करण्यासाठी आणि परिस्थिती हाताबाहेर जाऊ नये म्हणून, स्वतंत्र गोवर आयसोलेशन कक्ष प्रशासनाने तयार करण्याची नितांत गरज असल्याचे त्यांनी सुचवले.

Laxmana Jagtap
Ajit Pawar : अपघात झालेल्या कार्यकर्त्याच्या मदतीला दादा आले धावून!

शहरात डेंग्यूनेही विळखा घातला असल्याने त्यालाही पायबंद घालण्यासाठी विशेष उपाययोजना करावी, अशी मागणी जगतपांनी केली आहे. आधीच कोरोनामुळे त्रस्त होऊन त्यातून कसेबसे सावरणाऱ्या नागरिकांना पुन्हा संसर्गजन्य आजारांनी त्रस्त केले आहे. त्यामुळे महापालिका प्रशासनाने नागरिकांच्या आरोग्याबाबत विशेष काळजी घेण्याची आवश्यकता आहे, असेही जगताप म्हणाले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in