आंबेगाव : गृहमंत्री दिलीप वळसे पाटील (Dlip Walse Patil) यांच्या मतदारसंघात प्राप्तिकर विभागाने (Income Tax) छापेमारी सुरु (Raids) केली आहे. मंचरमध्ये उद्योजक देवेंद्र शहा (Devendra Shah) यांच्या उद्योग-व्यवसायांसह त्यांच्या घरावर प्राप्तिकर विभागाने छापे टाकण्यास सुरवात केली आहे. शहा यांच्या पराग मिल्क (Parag Milk) उद्योग समूहावर ही कारवाई सुरू आहे, अशी माहिती सूत्रांनी दिली आहे.
पराग मिल्क, गोवर्धन उद्योग समूहाचे दूग्ध उत्पादनात जगभरात जाळे पसरले आहे. प्राप्तिकर विभागाच्या चार पथकांकडून ही कारवाई सुरू आहे. गृहमंत्री वळसे पाटलांच्या मतदारंसघात सुरू असलेल्या या छापेमारीमुळे खळबळ उडाली आहे. अवसरी येथील पीरसाहेब डेअरीचे पराग मिल्कसोबत काही व्यवहार आढळून आल्याने प्राप्तिकर विभागाने कारवाई सुरू केली आहे, अशी माहिती सूत्रांनी दिली.
असे पडले छापे
प्राप्तिकर विभागाने मंचर येथील पराग डेअरीवर काल रात्री 2 वाजून 15 मिनिटांनी छापा पडला. त्यानंतर अवसरी येथील पीरसाहेब डेअरीवर आज पहाटे 3 वाजून 30 पडला. देवेंद्र शहा यांच्या निवासस्थानी सकाळी 7 वाजता छापा टाकण्यात आला. नंतर देवेंद्र शहा यांच्या मित्रावर सकाळी 9 वाजता छापा टाकण्यात आला. या छाप्यात प्राप्तिकर विभागाने अनेक कागदपत्रे जप्त केली असून, त्यांची तपासणी सुरू आहे, असे सूत्रांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
