महाराष्ट्रातले प्रकल्प गुजरातला जातातचं कसे? आदित्य ठाकरेंनी दिलं उत्तर

Aditya Thackeray पुणे : ''आज चार प्रकल्प आपल्या हातातून गेले, शेतकऱ्यांना कृषीमंत्री कोण आहेत माहिती नाही. केंद्रात आणि राज्यात त्यांचच सरकार असताना प्रकल्प राज्याबाहेर जातात कसे, असा सवाल उपस्थित करत उद्योजकांना उद्याेजक कोण आहे हे माहिती नाहीत. या खोके सरकारवर कोणत्याही उद्योजकाचा विश्वास राहिला नाही म्हणून प्रकल्प राज्याबाहेर जात आहेत.अशी टीका माजी मंत्री आदित्य ठाकरे यांनी राज्य सरकारवर केली आहे.

पुण्यात आयोजित पत्रकार परिषदेत ते बोलत होते. जो माणूस निवडणुकीला सामोरे जायला तयार नाही, तो गुंतवणूक काय आणणार, असा टोलाही आदित्य ठाकरे यांनी लगावला आहे. 'फॉक्सकॉन-वेदांता'नंतर आता C-295 लष्करी ट्रान्सपोर्ट एअरक्राफ्ट हा प्रकल्पही महाराष्ट्रातला प्रकल्प गुजरातला नेण्यात आला. यावरुन राज्यातील राजकार चांगलेचं तापले आहे.

C-295 लष्करी ट्रान्सपोर्ट एअरक्राफ्ट हा प्रकल्प नागपूरमध्येच होईल, असं उद्योगमंत्री उदय सामंत यांनी जाहीर केलं होतं. 22 हजार कोटी रुपयांच्या या प्रकल्पासाठी राज्य सराकारने केंद्र सराककडे पाठपुरावा केल्याचंही त्यांनी सांगितलं होते. परंतु आता हा प्रकल्प गुजरातला गेल्याने आदित्य ठाकरेंनी राज्य सराकारवर निशाणा साधला आहे.

जर कोणत्याही प्रकल्पाचा करार एखाद्या राज्याबरोबर झाला, किंवा कंपनीबरोबर झाला असेल तर तो दुसऱ्या राज्यात जाऊ शकत नाही. हे प्रत्येक कॅबिनेट मंत्र्याला माहिती असतं. मग जर त्यांना हा प्रकल्प दुसऱ्या राज्यात जाणार आहे, हे माहिती होते तर ते इतके दिवस शांत का बसले. मी सुभाष देसाईंसोबत काम करत असताना एक समिती निर्माण केली होती. राज्यातील उद्योग बाहेर जाऊ नयेत यासाठी काही उद्योजकांची ही समिती स्थापन करण्यात आली होती. पण गेल्या तीन महिन्यात या समितीची एकही बैठक न झाल्यामुळे प्रकल्प राज्यातून बाहेर जात आहेत, असे आरोप आदित्य ठाकरे यांनी केला आहे.

आपल्या राज्यातून मोठमोठे प्रकल्प बाहेर जात असताना राज्याचे मुख्यमंत्री मात्र मंडळांना भेटी देणे,दहीहंडी, राजकीय भेटी, फोडाफोडी करणे यातच बिझी आहेत. जसे मुख्यमंत्री शिवराज सिंह आपल्या राज्यात आले, नवीन पटनाईक आपल्या राज्यात आले, इकडच्या उद्योजकांशी चर्चा केली. तशी गेल्या तीन महिन्यातील अशी एक गोष्ट दाखवा मला की, आपल्या मुख्यमंत्र्यांनी इतर राज्यात जाऊन चर्चा केलीये.