'आनंद दिघे' यांच्या नावाने साधला सुवर्णमध्य; तो कार्यक्रम करुनच एकनाथ शिंदे पुणे सोडणार!

Anand Dighe | Eknath Shinde : नामकरण नियमबाह्य असल्याची तक्रार काही स्वयंसेवी संघटनांनी केली होती.
CM Eknath  Shinde|
CM Eknath Shinde| Sarkarnama

पुणे : नाशिक, औरंगाबादचा दौरा संपवून मुख्यमंत्री एकनाथ शिंदे (Eknath Shinde) आज पुणे दौऱ्यावर आले आहेत. मात्र आज पुण्यात येण्यापूर्वीच त्यांच्यावर एक उद्घाटन सोहळा रद्द करण्याची नामुष्की ओढावली होती. त्यांच्या हस्ते हडपसर भागातील 'एकनाथ शिंदे उद्याना'चा उद्घाटन सोहळा रद्द करण्यात आला असल्याची माहिती मुख्यमंत्री कार्यालयाकडून देण्यात आली होती. हे नामकरण नियमबाह्य असल्याची तक्रार काही स्वयंसेवी संघटनांनी केल्यामुळे हा उद्घाटन सोहळा वादाच्या भोवऱ्यात सापडला होता. (Shivsena | Eknath Shinde | Latets News)

मात्र या वादावर आता एकनाथ शिंदे यांनी तोडगा काढला असून या उद्यानाला 'धर्मवीर आनंद दिघे' यांचे नाव देण्यात येणार आहे. मुख्यमंत्री शिंदे पुण्यात विधान भवनात दाखल झाल्यानंतर शहर प्रमुख नाना भानगिरे यांनी त्यांचे स्वागत केले. यावेळी शिंदे म्हणाले, माझे नाव कशाला दिले, आनंद दिघे यांचं नाव द्यायला पाहिजे. त्यानंतर या उद्यानाला 'धर्मवीर आनंद दिघे यांचे नाव देण्यात आले आहे. त्यामुळे आज संध्याकाळीच या उद्यानाचे उद्घाटन होणार आहे, अशी माहिती माजी मंत्री आणि आमदार उदय सामंत यांनी दिली. (Shivsena | Eknath Shinde | Latets News)

पुण्यातील हडपसर परिसरात महापालिकेच्या जागेवर संबंधित उद्यान उभारण्यात आल आहे. शिंदे समर्थक आणि माजी नगरसेवक प्रमोद (नाना) भानगिरे यांनी या उद्यानाला एकनाथ शिंदे यांचे नाव दिले होते. उद्यानाची जागा महापालिकेची असली तरी त्यासाठीचा सर्व खर्च आपण स्वतः केल्याचा दावा भानगिरे यांनी केला होता. या प्रमाणे घरातील रहिवासी आणि महापालिका आयुक्त यांच्यासोबत झालेल्या बैठकीत उद्यानाला शिंदे यांचे नाव देण्यास सहमती दर्शवण्यात आली होती असाही त्यांनी दावा केला होता. (Shivsena | Eknath Shinde | Latets News)

मात्र या नामकरणाला अद्याप प्रशासकीय मान्यता नाही, असा दावा करत काही हे नामकरण नियमबाह्य असल्याची तक्रार काही स्वयंसेवी संघटनांनी केली होती. तसेच या कार्यक्रमाबाबतही महापालिकेला अंधारात ठेवण्यात आले होते. याबाबत आज काही वृत्तपत्रांनी आणि चॅनलने वार्तांकन केले. त्यानंतर पुढील अकारण होणारा वाद टाळण्यासाठी मुख्यमंत्री कार्यालयाने उद्घाटन कार्यक्रम रद्द केला होता. पुण्याच्या जिल्हा माहिती अधिकाऱ्यांनीही कार्यक्रम रद्द झाल्याच्या वृत्ताला दुजोरा दिला होता.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in