Sharad Pawar : पत्रकारांना ती गोष्ट सांगू नका : शरद पवारांचा शेतकऱ्यांना सल्ला

शेतकरी विविध प्रयोगांतून शेतात वाढीव उत्पन्न घेतो. हीच माहिती ते आनंदात पत्रकारांना देतात.
Sharad Pawar
Sharad PawarSarkarnama

कळस (जि. पुणे) : शेतकरी विविध प्रयोगांतून शेतात वाढीव उत्पन्न घेतो. हीच माहिती ते आनंदात पत्रकारांना देतात. पत्रकारांनी बातमी दिल्यानंतर सरकार म्हणते, शेतकऱ्यांना आता जास्तीचे उत्पन्न मिळत आहे. त्यांच्यावर कर बसवा. म्हणून माझा तुम्हाला सल्ला असेल, उत्पन्न मिळवा; पण पत्रकारांना माहिती देताना उत्पन्न सांगू नका, असा सल्ला ज्येष्ठ नेते शरद पवार (Sharad Pawar) यांनी शेतकऱ्यांना दिला. (Don't tell that story to journalists: Sharad Pawar's advice to farmers)

इंदापूर (Indapur) तालुक्यातील कळसच्या गोसावीवाडीतील शेतकरी मधुकर खर्चे यांच्या उसाची पाहणी करण्यासाठी माजी केंद्रीय मंत्री शरद पवार येथे आले होते. मधुकर खर्चे एकरात शंभर टन आणि ५० ते ६० कांडी असलेल्या उसाचे उत्पादन घेत आहेत. त्या उसाची पाहणी केल्यानंतर वसंतदादा शुगर इन्स्टिट्यूटला थेट कार्यक्रमातून मोबाईलव्दारे संपर्क साधून खर्चे यांच्या उसाची पाहणी करून माहिती घेण्याची सूचना केली.

Sharad Pawar
Congress : धवलसिंह मोहिते पाटलांनी जपला आजोबांच्या दोस्तीचा वसा; मंगळवेढा काँग्रेसची धुरा सोपवली कट्टर समर्थकाकडे

पवार म्हणाले की, साखर उत्पादनात यंदा भारत प्रथम क्रमांकावर आहे. हे स्थान कायम राहण्यासाठी शेतकऱ्यांनी उसाचे एकरी शंभर टन उसाचे उत्पादन घेण्याची गरज आहे. साखर उद्योगात ब्राझील या देशाचा प्रथम क्रमांक असतो. यंदा मात्र भारतानंतर ब्राझील, आस्ट्रेलिया व इतर देशांची क्रमवारी आहे. देशाचा हा क्रमांक कायम राहण्याच्या दृष्टीकोनातून शेतकऱ्यांनी एकरी उत्पादन वाढविणे गरजेचे आहे.

Sharad Pawar
Shinde Group News : शिंदे गटातील धूसफूस वाढली : सत्तारांनी माझ्याशी बोलायला हवे होते; वरिष्ठ मंत्र्याने सुनावले

कधीकाळी माळरान असलेल्या इंदापूर तालुक्याच्या या भागात नंदनवन फुलल्याचे दिसून येत आहे. शिक्षणाचा उपयोग शेतीत करुन खर्चे यांनी प्रगती साधली आहे. उस उत्पादनाची माहिती नव्या पिढीला आनंदाने देवून तरुण शेतकऱ्यांनाही उत्पादन वाढीस प्रोत्साहित करुन देशात महाराष्ट्राचे नाव अग्रगण्य ठेवण्याचा प्रयत्न करा, असा सल्लाही त्यांनी यावेळी शेतकऱ्यांना दिला.

Sharad Pawar
NCP News : राष्ट्रवादी युवक काँग्रेसच्या औरंगाबाद जिल्हाध्यक्षावर जिवघेणा हल्ला; प्रकृती चिंताजनक

यावेळी आमदार दत्तात्रेय भरणे, छत्रपती साखर कारखान्याचे अध्यक्ष प्रशांत काटे, माळेगाव कारखान्याचे अध्यक्ष बाळासाहेब तावरे, राष्ट्रवादीचे जिल्हाध्यक्ष प्रदीप गारटकर, भरतराजे भोसले, उपसरपंच विशाल राजेभोसले आदी उपस्थित होते. नीलेश खर्चे यांनी स्वागत, तर मधुकर खर्चे यांनी प्रास्ताविक केले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in