Daund Bazar Committee : दौंड बाजार समिती आमचीच; भाजपसह राष्ट्रवादी काँग्रेसचा दावा, निकालाकडे लक्ष

Rahul Kul and Ramesh Thorat : दौंड कृषी उत्पन्न बाजार समितीच्या १८ जागांसाठी भाजप व मित्र पक्ष आणि राष्ट्रवादी काँग्रेस पुरस्कृत पॅनलचे ३९ उमेदवार रिंगणात आहेत. या बाजार समितीसाठी शुक्रवारी (ता. २८) तब्बल ९९.२८ टक्के मतदान झाले आहे. आता मतमोजणी शनिवारी (ता. २९) दुपारपर्यंत होणार आहे. त्यानंतर दौंड बाजार समितीवर कुणाचे वर्चस्व राहणार, हे स्पष्ट होईल. दरम्यान, भाजप आणि राष्ट्रवादी काँग्रेसकडून विजयाचा दावा केला जात आहे.

दौंड कृषी उत्पन्न बाजार समितीवर राष्ट्रवादी काँग्रेसचे (NCP) माजी आमदार रमेश थोरात (Ramesh Thorat) यांचे वर्चस्व आहे. यावेळी भाजपचे आमदार राहुल कुल यांनी रमेश थोरांताविरुद्ध दंड थोपटले आहेत. त्यामुळे या निवडणुकीत कुल आणि थोरात यांच्यात थेट लढत झाली. या बाजार समितीच्या एकूण दोन हजार ६६७ पैकी दोन ६४८ मतदारांनी मतदान केले आहे. त्यामुळे मतदार कुणाला कौल देणार याकडे तालुक्याचे लक्ष लागले आहे.

दौंड कृषी उत्पन्न बाजार समितीची ही निवडणूक आमदार राहुल कुल (Rahul Kul) व माजी आमदार रमेश थोरात या दोघांनीही प्रतिष्ठेची केलेली आहे. बाजार समितीवरील माजी आमदार थोरातांची एकहातील सत्तेला धक्का देण्यासाठी आमदार राहुल कुल ताकद लावल्याचे दिसून आले. त्यामुळे ही निवडणूक अत्यंत चुरशीची झाली. या निवडणुकीत तब्बल ९९.२८ टक्के मतदान झाले आहे. त्यामुळे आता शनिवारी (ता. २९) होणाऱ्या निकालाकडे लक्ष लागले आहे.

दौंड बाजार समिती (Daund APMC) सहकारी संस्थांच्या ११, ग्रामपंचायत ४, व्यापारी २, हमाल १ अशा एकूण १८ जागा आहे. या जागांसाठी एकूण दोन हजार ६६७ मतदार मतदान करणार आहेत. त्यात सरकारी संस्थेत १ हजार ५६९, ग्रामपंचायत ८७६, व्यापारी १८९ व हमाल ३३ अशा मतदारांचा समावेश आहे. त्यातून सोसायटीच्या ११ जागांसाठी एक ५५९, ग्रामपंचायतच्या चार जागांसाठी ८७०, व्यापाऱ्यांच्या २ जागांसाठी १८६, हमालच्या एका जागेसाठी ३३ असे मतदान झाले आहे.

(Edited by Sunil Dhumal)