Kasba By Election : कसबा पोटनिवडणुकीच्या प्रचाराची धामधूम सुरु आहे. अशातच केंद्रीय गृहमंत्री अमित शाह हे आज पुणे दौऱ्यावर आहेत. कसबा आणि चिंचवड पोटनिवडणुकीच्या पार्श्वभूमीवर त्यांचा हा पुणे दौरा महत्वाचा मानला जात आहे. तसेच या दौऱ्यादरम्यान त्यांनी विविध कार्यक्रमांना उपस्थिती लावली.
याबरोबरच अमित शाह यांनी विविध कार्यक्रमांनंतर ओकारेश्वर मंदिरात जाऊन दर्शन घेत आरती केली. त्यानंतर पुण्याचे खासदार गिरीश बापट (Girish Bapat) यांची भेट घेतली. तसेच त्यांच्या तब्येतीची विचारपूस केली. यावेळी गिरीश बापट यांनी कसबा पोटनिवडणुकीच्या आढाव्याची माहिती शाहंना दिली. शाह आणि बापट यांच्यात कसबा पोटनिवडणुकीविषयी यावेळी चर्चा झाली.
याआधी डब्ल्यू मॅरीयेट हॉटेलमध्ये अमित शाह यांनी दिवंगत आमदार मुक्ता टिळक यांचे पती शैलेश टिळक आणि कुणाल टिळक यांची भेट घेतली. तसेच त्यांच्याशी संवाद साधला. मुक्ता टिळक यांच्या निधनानंतर अमित शाह यांची ही सांत्वनपर भेट होती.
अमित शाह हे टिळकांच्या घरी जाऊन टिळक कुटुंबियांची भेट घेणार होते. मात्र, वेळेअभावी ते घरी जाऊ शकले नाहीत. त्यांनी शैलेश टिळक आणि कुणाल टिळक यांना जे डब्ल्यू मॅरीयेट हॉटेलमध्ये बोलावून घेत आपुलकीने टिळक कुटुंबीयांची चौकशी केली.
दरम्यान, कसबा पोटनिवडणुकीच्या प्रचाराची धामधूम सुरु आहे. भाजप आणि महाविकास आघाडीच्या उमेदवारांनी प्रचारात जोरदार आघाडी घेतली असून नेत्यांच्या सभा, भेटीगाठी, बैठका यांनी राजकीय वातावरण चांगलंच तापलं आहे.
मविआकडून रवींद्र धंगेकर तर भाजपकडून हेमंत रासने यांच्यात थेट लढत होत आहे. त्यामुळे या लढतीत महाविकास आघाडीसोबत भाजपची प्रतिष्ठा पणाला लागली आहे.
दरम्यान, कसबा विधानसभा पोटनिवडणुकीच्या पार्श्वभूमीवर शाह यांच्या दौऱ्याला महत्व प्राप्त झालं आहे. त्यामुळे त्यांच्या दौऱ्याचा किती फायदा भाजपला होईल हे येणाऱ्या काळातच पाहायला मिळेल.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
