तराफा बंद पडल्याने अजित पवार अडकले धरणाच्या मधोमध

लगेचच तलावातील दुसऱ्या बोटीने बंद तराफ्यावरील अजितदादांना आपल्या बोटीत घेतले.
तराफा बंद पडल्याने अजित पवार अडकले धरणाच्या मधोमध
Ajit PawarSarkarnama

सरकारनामा ब्यूरो

पिंपरी : उपमुख्यमंत्री अजित पवार शुक्रवारी सायंकाळी हिंजवडीजवळच्या कासारसाई (ता.मुळशी) धरणातील मत्स्यपालन प्रकल्पाची पाहणी करण्यासाठी गेले होते. यावेळी त्यांचा तराफा धरणाच्या मध्येच अचानक बंद पडल्याने मोठा बाका प्रसंग उभा राहिला होता. मात्र, पवार यांनी लाईफ जॅकेट घातले होते.लगेचच तलावातील दुसऱ्या बोटीने बंद तराफ्यावरील अजितदादांना आपल्या बोटीत घेतले. त्यानंतर त्यानी आपली पाहणी पूर्ण केली. एवढ्या तणावपूर्ण प्रसंगानंतरही त्यांनी इथलं पर्यटन म्हणजे खूप कसरत असते, अशी मिश्कील टिपण्णी करून तणावपूर्ण वातावरण काहीसे हलके करण्याचा प्रयत्न केला.(Ajit Pawar got stuck in the middle of the dam as the raft stopped)

तराफ्याच्या क्षमतेपक्षा अधिकजण त्यावर उभे राहिल्याने त्याच्या इंजिनवर ताण आला. त्यामुळे तराफा बंद पडला. अनेक प्रयत्न करुनही इंजिन सुरु झाले नाही. त्यामुळे जवळच्या बोटीची मदत घेण्यात आली. परिणामी पुढील दौरा पार पडला.

Ajit Pawar
महाविद्यालये सोमवारपासून गजबजणार;...पण दोन लस घेतलेल्यांनाच प्रवेश

कासारसाई मध्यम पाटबंधारे प्रकल्पाला पवार यांनी आज भेट दिली. तेथील मस्त्यपालनाची त्यांनी पाहणी केली. त्यासाठी तलावात मध्यभागी असलेल्या या मस्यपालन प्रकल्पात त्यांना जायचे होते.तेथे तराफ्याने जाण्याची व्यवस्था करण्यात आली. त्यावर जाण्यापूर्वीच अजितदादांनी जास्तीचे लोक तराफ्यात बसवू नका, असे सांगितले होते. तरीही तराफ्यावर गर्दी करण्यात आली. त्यामुळे अधिकच्या वजनाने इंजिनवर ताण आला. त्यामुळे इंजिन बंद पडून तराफा मध्येच अडकला गेला.त्यामुळे धरणावर जमलेले अधिकारी आणि नागरिकांच्या काळजाचा ठोका क्षणभर चुकला होता. दरम्यान, तराफ्यावरील माणसे उतरताच तो हलका झाल्याने लगेच सुरु झाला.

दरम्यान, या पाहणीनंतर जवळच्या नातेवाईकांवर आयकर विभागाच्या पडलेल्या धाडीविषयी प्रसिद्धी माध्यमांनी विचारणा केली असता कालच यावर सांगितले आहे, असे अजित पवार म्हणाले. पुन्हा बोलायला लावू नका.सारखं सारखं सांगायचं कारण नाही.एकदा ते होऊ द्या. उगीच ढगात गोळ्या मारू नका. दूध का दूध,पाणी का पाणी होईल,असे ते म्हणाले.

Edited By : Umesh Ghongade

-----

Related Stories

No stories found.