पुणे : पुणे पदवीधर मतदारसंघात ४२ हजारांहून अधिक नवीन पदवीधर मतदारांची नोंद करून भारतीय जनता पक्षाची दावेदारी आणखी मजबूत करणाऱ्या रवींद्र भेगडे यांना उमेदवारी मिळावी अशी मागणी जिल्हाध्यक्ष गणेश भेगडे यांनी पक्षाचे प्रदेशाध्यक्ष चंद्रकांतदादा पाटील यांच्याकडे केली आहे.
भारतीय जनता पक्षाचे जिल्हाध्यक्ष गणेश भेगडे यांनी प्रदेशाध्यक्ष चंद्रकांत पाटील यांना पत्र देऊन पुणे पदवीधर मतदारसंघातून पक्षाची अधिकृत उमेदवारी भेगडे यांना मिळावी अशी मागणी केली आहे. रवींद्र भेगडे हे मावळ तालुका भाजपचे अध्यक्ष आहेत.
जनसंघाच्या स्थापनेपासून भेगडे कुटुंब पक्षाचे निष्ठावंत कार्यकर्ते राहिलेले आहेत. विद्यार्थीदशेतच राष्ट्रीय स्वयंसेवक संघाचे स्वयंसेवक म्हणून काम करत रवींद्र भेगडे यांनी संघटन विस्ताराचे काम महाराष्ट्रभर केले आहे. मावळचे माजी आमदार दिगंबर भेगडे यांच्या मार्गदर्शनाखाली १९९८ पासून रवींद्र भेगडे लोकसेवेत आपले योगदान देत आहेत. मावळसह पुणे जिल्ह्यात भारतीय जनता पक्षाची धोरणे घरोघरी पोहचवण्यासाठी त्यांनी मेहनत घेतली आहे असे भाजपचे कार्यकर्ते सांगतात. पुणे पदवीधर मतदारसंघाच्या पुणे विभागाचा नोंदणी प्रमुख म्हणून पक्षाने दिलेली जबाबदारी यशस्वीपणे सांभाळताना सुमारे ४२ हजार पेक्षा जास्त नवीन पदवीधर मतदारांची नोंद त्यांच्या अध्यक्षतेखाली झालेली आहे. पदवीधर मतदारांपर्यंत पोहचण्यासाठी भेगडे यांनी राबिवलेल्या उपक्रमांना मतदारांनी देखील अतिशय सकारात्मक प्रतिसाद दिलेला दिसून आला आहे.
गेली १2 वर्षे भाजपकडे असलेला पुणे पदवीधर मतदारसंघ आणखी बळकट करण्यासाठी रविंद्र भेगडेंनी केलेले प्रयत्न, जनसंघाच्या स्थापनेपासून पक्षाशी असलेली निष्ठा, तरूण चेहरा आणि मतदारांशी असलेला थेट संपर्क याच्या जोरावर भाजपची उमेदवारी त्यांना मिळेल, अशी शक्यता वर्तवली जात आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.