लोणी काळभोर : पुणे जिल्ह्यातील सहकार क्षेत्रातील दिग्गज व्यक्तीमत्व असलेले अशोक काशिनाथ काळभोर ( वय. ६९ ) यांचे दुःखद निधन झाले. त्यांच्या पश्चात पत्नी, दोन भाऊ, दोन मुले, सुना, नातवंडे असा मोठा परिवार आहे.
पुणे जिल्हा मध्यवर्ती सहकारी बॅंक व थेऊर येथील यशवंत सहकारी साखर कारखाना यांचे अध्यक्ष व गुलटेकडी येथील हवेली कृषी उत्पन्न बाजार समितीचे संचालक म्हणून त्यांनी अतिशय चांगले काम केले होते. त्यांनी हवेली तालुक्यात विविध सहकारी संस्थांची उभारणी केली होती. तालुक्यातील सहकार क्षेत्रात त्यांचा दबदबा होता. लोणी काळभोर ग्रामपंचायतीचे सदस्य व लोणी काळभोर विविध कार्यकारी सेवा सहकारी संस्थेचे संचालक म्हणून ही त्यांनी काम पाहिले होते.
सन २००४ सालच्या विधानसभा निवडणुकीत शिवसेनेचे उमेदवार म्हणून त्यांनी पुरंदर हवेली विधानसभा मतदारसंघात निवडणुक लढवली होती. जेष्ठ नेते शरद पवार व अजित पवार यांचे ते अतिशय जवळचे सहकारी होते.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.