निदर्शने करणाऱ्या विदर्भवाद्यांना झोडपून काढा : नितीन गडकरी 

निदर्शने करणाऱ्या विदर्भवाद्यांना झोडपून काढा : नितीन गडकरी 

नागपूर ः स्वतंत्र विदर्भासाठी मागणी करणाऱ्या निदर्शकांना झोडपून काढा, अशा शब्दात केंद्रीय भूपृष्ठ वाहतूक मंत्री नितीन गडकरी यांनी विदर्भवाद्यांना सज्जड दम दिला. 

अनेक विकास कामांचे भूमिपूजन लोकार्पणांचा कार्यक्रम बुधवारी रात्री फुटाळा तलावावर आयोजित केला होता. यावेळी गडकरी यांनी भाषणाला सुरूवात केल्याबरोबर काही विदर्भवादी उभे राहिले व त्यांनी "विदर्भ केव्हा देता, हे बोला' असे म्हणण्यास सुरूवात केली तसेच गडकरींचे निषेध करणारे काही पत्रकेही त्यांनी भिरकावली. 

या युवकांना लगेच पोलिसांनी ताब्यात घेतले. प्रारंभी गडकरी यांना या युवकांना शांत राहण्याचे आवाहन केले. या आवाहनानंतरही हे युवक घोषणा देत होते व पत्रके भिरकावत होती. त्यामुळे संतापलेल्या नितीन गडकरी यांनी या युवकांना चांगलेच झोडपून काढा, असे पोलिसांना उद्देशून म्हणाले. 

काही दिवसांपूर्वी नागपुरात कस्तुरचंद पार्कवर भाजपच्या अनुसूचित जाती-जमातीच्या परिषदेच्या समारोपाच्या कार्यक्रमातही गडकरी यांच्या भाषणात विदर्भवाद्यांनी व्यत्यय आणला होता. विरोधी पक्षात असताना त्यांनी 100 रुपयांच्या स्टॅम्प पेपरवर सत्तेत आल्यानंतर विदर्भ राज्य करून देतो, असे शपथेवर लिहून दिले होते.

आता गडकरी विदर्भाबाबत काहीच बोलत नाही. यामुळे विदर्भवाद्यांमध्ये नाराजी आहे. ही नाराजी आतापर्यंत दोन कार्यक्रमांमध्ये दिसून आली. येत्या लोकसभा निवडणुकीच्या प्रचारात विदर्भवादी गडकरींना या मुद्यांवरून चांगलेच घेरणार असल्याचे स्पष्ट झाले आहे.  

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com