दलित, मुस्लिम एकत्र आल्यास गुजरातचे चित्र बदलेल : पृथ्वीराज चव्हाण 

दलित, मुस्लिम एकत्र आल्यास गुजरातचे चित्र बदलेल : पृथ्वीराज चव्हाण 

सातारा : गुजरात विधानसभा निवडणुकीत भाजपविषयीचे वातावरण बदलत असून तेथे दलितांवर फार अत्याचार झाले आहेत. त्यामुळे संपूर्ण दलित समाज भाजपविरोधात एकवटला आहे. आता दलित आणि मुस्लिम हे दोन घटक एकत्र आले तर गुजरात निवडणुकीतील चित्र बदलेल, असा विश्‍वास माजी मुख्यमंत्री पृथ्वीराज चव्हाण यांनी व्यक्त केला. 

गुजरात विधानसभा निवडणुकीच्या पार्श्‍वभूमीवर श्री. चव्हाण अहमदाबादला प्रचारासाठी गेले होते. या निवडणुकीतील नेमकी परिस्थिती मांडताना ते म्हणाले, कॉंग्रेसबाबतचे वातावरण जोरात बदलत असून नांदेडचा परिणाम गुजरातमध्येही पहायला मिळणार आहे. मी अहमदाबादला प्रचारासाठी गेलो होतो. कॉंग्रेसला तेथील वातावरण चांगले आहे. भाजपविषयीचे वातावरण बदलत आहे. सोशल मिडियावरही याचा परिणाम दिसून येत आहे. नांदेडच्या निकालावरून स्पष्ट दिसतंय कि सगळे मुस्लिम कॉंग्रेसच्या बाजूला झाले आहेत. एमआयएम किंवा समाजवादी पार्टीला मते दिली तर फायदा भाजपला होतो. भाजपला पाडायची ताकद केवळ कॉंग्रेसमध्ये आहे, हे त्यांच्या लक्षात आले आहे. त्याचा परिणाम नांदेडमध्ये बघितला तोच परिणाम गुजरातमध्ये दिसतो आहे. 


 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com