जळगाव : राज्यात युतीला अनुकूल वातावरण आहे, जनतेत मतदानात मोठ्या प्रमाणात उत्साह आहे. राज्यात पुन्हा युती सरकार आणावयाचे आहे. त्यामुळे राज्यात युतीला २१० ते २१५ जागा मिळतील असा विश्‍वास राज्याचे जलसंपदामंत्री गिरीश महाजन यांनी व्यक्त केला. मतदानानंतर ते पत्रकारांशी बोलत होते.
जामनेर येथील न्यू इंग्लीश स्कूलच्या मतदान केंद्रावर गिरीश महाजन यांनी पत्नी नगराध्यक्ष साधना महाजन व कन्या प्रिया व श्रेया सोबत मतदान केले. यावेळी पत्रकारांशी बोलतांना ते म्हणाले, ''पावसामुळे शेतकरी,शेतमजूर घरीच आहेत, त्यामुळे यावेळी मतदानाचा टक्का निश्‍चित वाढणार आहे. युतीच्या विजयाबाबत ते म्हणाले, कि राज्यात युतीला अत्यंत अनुकूल वातावरण आहे. जनतेत मोठ्या प्रमाणात उत्साह आहे.त्यांना पुन्हा राज्यात देवेंद्र फडणवीस यांना मुख्यमंत्री करावयाचे आहे. त्यामुळे युतील यावेळी स्पष्ट बहुमत मिळेल. उत्तर महाराष्ट्रात ४७ जागापैकी युतीला ३८ ते ४० जागा निश्‍चित मिळतील.विरोधकांना दहा ते बाराच्यावर जागा मिळणार नाहीत.''
फडणवीसच होतील पुन्हा मुख्यमंत्री!
नागपूर : केंद्रीय मंत्री नितीन गडकरी यांनी महाल येथील महापालिकेच्या कार्यालयात कुटुंबीयांसह मतदानाचा हक्क बजावला.
मतदान हा लोकशाहीचा सर्वांत मोठा उत्सव आहे. मतदान करणे लोकतांत्रिक अधिकार असून, त्याचा वापर लोकशाही बळकट करण्यासाठी करा. पाच वर्षांमध्ये देशात पंतप्रधान नरेंद्र मोदी यांच्या नेतृत्वात तर राज्यात मुख्यमंत्री देवेंद्र फडणवीस यांच्या नेतृत्वात मोठा विकास झाला आहे. विकासाच्या बळावर जनता भाजपसोबत आहे. निवडणुकीत भाजप रेकॉर्डब्रेक मताधिक्‍याने विजयी होईल. तसेच देवेंद्र फडणवीस पुन्हा मुख्यमंत्री होतील, अशी प्रतिक्रिया केंद्रीय मंत्री नितीन गडकरी यांनी मतदानानंतर व्यक्त केली.
मुख्यमंत्री देवेंद्र फडणवीस यांनी आज सहकुटुंब मतदानाचा हक्क बजावला. यावेळी त्यांनी जनतेला मतदानासाठी मोठ्या संख्येने बाहेर पडण्याचे आवाहन केले.
महाराष्ट्रात लोकशाहीचा सर्वात मोठा उत्सव सुरु आहे. मी सहकुटुंब मतदान केल आहे. जनतेला आवाहन आहे की, त्यांनीही मतदान कराव. सरकारकडून जनतेच्या अपेक्षा, आकांक्षा असतात. त्यासाठी मतदान केल पाहीजे. अपेक्षा करण्याचा प्रत्येकाला अधिकार आहे. त्यामुळे सगळ्यांनी मतदानासाठी बाहेर पडल पाहीजे. आचारसंहीता सुरु आहे. मतदान सुरु आहे. त्यामुळे मला अधिक काही बोलता येणार नाही. आचारसंहीतेचा भंग होईल, असे मुख्यमंत्री यावेळी म्हणाले. मुख्यमंत्री नागपुरच्या दक्षिण-पश्‍चिम मतदार संघातून निवडणूक लढवित आहेत. त्यांच्यासमोर कॉंग्रेसच्या आशीष देशमुखांचे आव्हान आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.