पुणे - पंतप्रधान नरेंद्र मोदी यांनी आज सकाळी #9pm9minute असे ट्विट करीत सर्वांना आजच्या रात्रीच्या कार्यक्रमाची आठवण करून दिली आहे.
पंतप्रधान नरेंद्र मोदी यांनी गेल्या शुक्रवारी सकाळी 9 वाजता देशाला उद्देशून भाषण केले होते. त्यात त्यांनी पाच एप्रिलला 130 भारतीयांकडून पाच एप्रिलला रात्री 9 वाजता 9 मिनिटे मागितली होती. या काळात कोरोनाच्या अंध:काराशी लढण्यासाठी त्यांनी देशवासियांना महासंकल्प दिला आहे.
5 एप्रिलला रात्री 9 वाजता 9 मिनिटे घरातील सर्व लाइटस बंद करा आणि दरवाजात किंवा बाल्कनीत या. मेणबत्ती, दिवा, टाॅर्च किंवा मोबाईल फ्लॅश लाइट नऊ मिनिटे झळकवा. यातून कोरोनाशाचा अंधकार दूर होऊन प्रकाशाकडे आपण मार्गक्रमण करू. कोरोनाविरुद्धच्या लढाईत जिंकण्याची शक्ती यातूनच मिळणार आहे, असेही मोदी यांनी लोकांशी बोलताना सांगितले.
या वेळी जनता कर्फ्यूबरोबरच लाॅकडाऊनच्या काळात दिलेल्या सहकार्याबद्दल त्यांनी सर्वांचे आभार मानले होते. आज पुन्हा रात्रीच्या उपक्रमाची आठवण त्यांनी देशवासियांना करून दिली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.