शास्तीकराच्या प्रश्नावरुन पिंपरीत राष्ट्रवादीकडून भाजप आमदारांवर हल्लाबोल

सत्ता गेल्यानंतर एका महिन्याच्या आत लोकांत शासनाप्रती नाराजी व असंतोष असल्याचा साक्षात्कार या आमदारांना कसा झाला,अशी खोचक विचारणा पिंपरी पालिकेतील विरोधी पक्षनेते व राष्ट्रवादीचे नगरसेवक नाना काटे यांनी आमदार लक्ष्मण जगताप आणि महेश लांडगे यांना उद्देशून केली आहे
Pimpri NCP Leader Nana Kate targets BJP Mla Laxman Jagtap and Mahesh Landage
Pimpri NCP Leader Nana Kate targets BJP Mla Laxman Jagtap and Mahesh Landage

पिंपरी : मागील पाच वर्षे सत्तेत असणार्‍या भाऊ, दादा या दोन्ही भाजप आमदारांना शहरातील पाणी प्रश्न व शास्तीकराचा प्रश्न सोडवता आला नाही. नागपूरच्या तालावर नाचत कारभार हाकला.सत्ता गेल्यानंतर आता पुन्हा एकदा नागपुरात जाऊन शहरातील प्रश्नासाठी लक्षवेधी मांडण्याची वेळ का आली याचा अभ्यास या आमदारांनी करावा, असा हल्लाबोल राष्ट्रवादीने केला आहे.

शहरातील शास्तीकर व पाणीप्रश्नी आमदार लक्ष्मण जगताप व महेश लांडगे १६ डिसेंबरपासून नागपूर येथे सुरु होणाऱ्या राज्य विधीमंडळाच्या हिवाळी अधिवेशनात लक्षवेधी दिली असल्याची बातमी 'सरकारनामा'ने मंगळवारी दुपारी दिली. त्यानंतर लगेचच पिंपरी-चिंचवड महापालिकेतील विरोधी पक्षनेते राष्ट्रवादीचे ज्येष्ठ नगरसेवक नाना काटे यांनी जगताप व लांडगेंना सायंकाळी लक्ष्य केलं. 

सत्ता गेल्यानंतर एका महिन्याच्या आत लोकांत शासनाप्रती नाराजी व असंतोष असल्याचा साक्षात्कार या आमदारांना कसा झाला,अशी खोचक विचारणा त्यांनी केली. स्वताचे अपयश लपविण्याचा प्रयत्न ते करीत आहेत,असा हल्लाबोल काटेंनी केला. शहराला पाणीपुरवठा करणारे पवना धरण १०० टक्के भरले असतानाही दिवसाआड पाणीपुरवठा करण्याचा निर्णय पालिकेतील सत्ताधारी भाजपने घेतल्याबद्दल त्यांनी टीका केली.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com