भाजप सोडून काँग्रेसमध्ये प्रवेश अन् महिनाभरातच फसवणुकीचा गुन्हा दाखल

महाराष्ट्र प्रदेश युवक काँग्रेसचे सरचिटणीस गणेश नानासाहेब गायकवाड यांच्याविरुद्ध फसवणुकीचा गुन्हा दाखल झाला आहे.
cheating case registered against congress leader ganesh gaikwad
cheating case registered against congress leader ganesh gaikwad

पिंपरीः महाराष्ट्र प्रदेश युवक काँग्रेसचे सरचिटणीस आणि उद्योगपती गणेश नानासाहेब गायकवाड (Gansh Gaikwad) (वय ३६, रा. एनएसजी हाऊस,आयआयटी रोड,औध,पुणे) यांच्याविरुद्ध नऊ कोटी रुपयांची जागा बळकावून फसवणूक केल्याबद्दल हिंजवडी पोलीस ठाण्यात गुन्हा दाखल करण्यात आला आहे. त्यांनी गेल्या महिन्यातच प्रदेशाध्यक्ष नाना पटोले यांच्या उपस्थितीत भाजपमधून (BJP) काँग्रेसमध्ये (Congress)  प्रवेश केला होता.

गायकवाड हे आधी भाजपमध्ये होते. ते २०१९ च्या विधानसना निवडणुकीवेळी भाजपकडून इच्छूक होते. त्यांनी गेल्या महिन्यातच प्रदेशाध्यक्ष नाना पटोले यांच्या उपस्थितीत काँग्रेसमध्ये प्रवेश केला होता. त्यानंतर त्यांना लगेचच प्रदेश युवक काँग्रेसचे सरचिटणीस हे पद देण्यात आले होते. मात्र, महिन्यातच त्यांच्याविरुद्ध फौजदारी गुन्हा दाखल झाल्याने त्यांचे हे पद औटघटकेचे ठरण्याची शक्यता निर्माण झाली आहे. त्यांच्याबाबत काँग्रेस पक्ष काय निर्णय घेतो, याकडे आता लक्ष लागले आहे.  

बांधकाम क्षेत्रातील एनएसजी ग्रूपचे व्य़वस्थापकीय संचालक असलेल्या गायकवाड यांनी सूस (ता.मुळशी,जि.पुणे) येथील आपला दीड एकरचा प्लॉट बळकावून त्यात अतिक्रमण केल्याची फिर्याद पुण्यातीलच दुसरे बांधकाम व्यावसायिक विजय वसंत कुलकर्णी (वय ५८, रा. कर्वेनगर,पुणे) यांनी दिली आहे. त्यांच्या ट्रिनीटी रिऍलिटी फर्मची सूस येथे ६० गुंठे जागा बेकायदेशीरपणे पत्र्याचे आणि तारेचे कुंपण करून बळकावल्याचे त्यांचे म्हणणे आहे. आपल्याच जागेत जाण्यापासून मज्जाव करण्यात आल्याचीही त्यांची तक्रार आहे. यासंदर्भात गायकवाड यांची बाजू ऐकण्यासाठी वारंवार संपर्क करूनही तो झाला नाही. तपासाधिकारी खाडे यांनीही गायकवाडांचा फोन बंदच असल्याचे सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in