शिवसेनेच्या मावळ लोकसभा मतदारसंघावर भाजपचा दावा; जगतापांच्या उमेदवारीची मुख्यमंत्र्यांकडे मागणी

शिवसेनेच्या ताब्यात असलेल्या मावळ लोकसभा मतदारसंघावर भाजपने आज दावा केला. हँटट्रिकच्या तयारीत असलेल्या या मतदारसंघात पक्षाने चिंचवडचे आमदार लक्ष्मण जगताप यांना उमेदवारी द्यावी, अशी माहिती मागणी पक्षाच्या पिंपरी चिंचवड महापालिकेतील एकवीस नगरसेवकांनी मंगळवारी मुख्यमंत्री देवेंद्र फडणवीस यांच्याकडे केली.
शिवसेनेच्या मावळ लोकसभा मतदारसंघावर भाजपचा दावा; जगतापांच्या उमेदवारीची मुख्यमंत्र्यांकडे मागणी

पिंपरी : शिवसेनेच्या ताब्यात असलेल्या मावळ लोकसभा मतदारसंघावर भाजपने आज दावा केला. हँटट्रिकच्या तयारीत असलेल्या या मतदारसंघात पक्षाने चिंचवडचे आमदार लक्ष्मण जगताप यांना उमेदवारी द्यावी, अशी माहिती मागणी पक्षाच्या पिंपरी चिंचवड महापालिकेतील एकवीस नगरसेवकांनी मंगळवारी मुख्यमंत्री देवेंद्र फडणवीस यांच्याकडे केली. मावळवर भाजप दावा करणार असून त्यासाठी पक्ष पदाधिकारी मुख्यमंत्र्यांना भेटणाऱ असल्याचे व्रुत्त फक्त 'सरकारनामा'ने काही वेळापूर्वी व्हायरल केले होते.ते तंतोतंत खरे ठरले.

मुख्यमंत्र्यांनी सुद्धा या मागणीचा नक्की विचार करू,असे या नगरसेवकांच्या शिष्टमंडळाला सांगितल्याचा दावा करण्यात आला आहे. मावळमधील पक्षाची ताकद पाहता हा मतदारसंघ पक्षाकडे घेण्याचे आमचेही प्रयत्न सुरू आहेत, असे मुख्यमंत्री म्हणाल्याचे सांगण्यात आले. पिंपरी पालिकेतील सत्ताधारी भाजपचे सभागृह नेते एकनाथ पवार,स्थायी समिती सभापती ममता गायकवाड, उपमहापौर संदीप चिंचवडे,ज्येष्ठ नगरसेवक शत्रूघ्न ऊर्फ बापू काटे, तुषार हिंगे,तुषार कामठे,संदीप वाघेरे, अभिषेक बारणे,माया बारणे, झामाबाई बारणे, कैलास बारणे, अर्चना बारणे,निर्मला कुटे, शर्मिला बाबर,आरती चोंधे,उषा मुंडे, माधुरी कुलकर्णी, नामदेव ढाके,चंद्रकांत नखाते, सागर अंघोळकर हे नगरसेवक मुख्यमंत्र्यांना भेटले.

यावेळी अभिषेक बारणे यांच्या लेटरहेडवर सर्व पाच बारणे नगरसेवकांनी लेखी मागणी सुद्धा केली. मतदारसंघाचा विचार करता जगताप यांनाच उमेदवारी देणे योग्य ठरेल, अशी मागणी या पत्राद्वारे केल्याचे अभिषेक बारणे यांनी या भेटीनंतर 'सरकारनामा'ला सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com