औरंगाबाद : "राफेल विमानांची संख्या कमी करुन त्यांची किंमत तिप्पट केली जाते. ही प्रक्रिया अपारदर्शक आहे. यावर चर्चा झाली पाहिजे, असे प्रतिपादन माजी मुख्यमंत्री पृथ्वीराज चव्हाण यांनी येथे केले. राफेल खरेदीबाबत नक्की काय घडले हे तत्कालिन संरक्षण मंत्री मनोहर पर्रिकर यांनी सांगावे असे आवाहनही त्यांनी केले.
रविवारी (ता.16) एमजीएमच्या रुक्‍मिणी सभागृहात 'राफेल विमान खरेदी : भ्रम आणि वास्तव' या विषयावरील परिसंवादात ते बोलत होते. फ्रेंड्‌स ऑफ डेमोक्रसी आणि युथ फॉर डेमोक्रसी यांच्यातर्फे या परिसंवादाचे आयोजन करण्यात आले होते.
यावेळी बोलताना चव्हाण म्हणाले, "जगातील लोकशाही देशांमध्ये शस्त्रास्त्रे खरेदी किंमत जाहीर केली जाते. मात्र, आपल्या देशात गोपनीयतेच्या नावाखाली राफेल खरेदीची किंमत लपविली जाते. संरक्षण खरेदी परिषदेला बाजूला सारुन पंतप्रधान नरेंद्र मोदी यांच्या अध्यक्षतेखालील संरक्षण उपसमिती राफेलच्या किंमतीत वाढ करते. यास तत्कालीन संरक्षण मंत्री मनोहर पर्रीकर यांचा विरोध होता."
नेमके खरेदी बाबत काय घडले हे पर्रीकर यांनी सांगण्यासाठी जनतेसमोर यायला हवे, असे सांगून ते म्हणाले की, युपीए सरकारने दहा वर्ष राफेल खरेदीला का विलंब केला? हा आरोप केला जातो; तो चुकीचा आहे. युपीएने 2008 मध्ये याबाबत प्रक्रिया सुरु केली होती. राफेल खरेदी हा आतापर्यंत जगातील संरक्षणविषयक सर्वात मोठा व्यवहार असल्याचेही ते म्हणाले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.