पंकजा मुंडे म्हणाल्या, `पवार साहेबांनी "ब्लॅंक' पेपर दिला; तरी पण सही करायला तयार!' 

ज्येष्ठ नेते शरद पवार यांनी ग्रामविकास मंत्री पंकजा मुंडे यांच्यासमोर सहीसाठी पॅड पुढे केले. त्याचा उल्लेख आपल्या भाषणात करीत पंकजा मुंडे म्हणाल्या, पवार साहेबांनी माझ्यासमोर जो पेपर दिला तो दोन्ही बाजूंनी ब्लॅंक होता. त्यामुळे विचार करावा लागतो. त्यांच्या या वक्तव्याने उपस्थितांनी टाळ्यांचा कडकडाट करीत उस्फूर्त दाद दिली.
पंकजा मुंडे म्हणाल्या, `पवार साहेबांनी "ब्लॅंक' पेपर दिला; तरी पण सही करायला तयार!' 

नाशिक : ज्येष्ठ नेते शरद पवार यांनी ग्रामविकास मंत्री पंकजा मुंडे यांच्यासमोर सहीसाठी पॅड पुढे केले. त्याचा उल्लेख आपल्या भाषणात करीत पंकजा मुंडे म्हणाल्या, पवार साहेबांनी माझ्यासमोर जो पेपर दिला तो दोन्ही बाजूंनी ब्लॅंक होता. त्यामुळे विचार करावा लागतो. त्यांच्या या वक्तव्याने उपस्थितांनी टाळ्यांचा कडकडाट करीत उस्फूर्त दाद दिली. 

येथील क्रांतीवीर वसंतराव नाईक शिक्षण संस्थेच्या अभियांत्रीकी महाविद्यालयाच्या इमारतीचे उद्‌घाटन ज्येष्ठ नेते शरद पावर यांच्या हस्ते झाला. लोकनेते गोपीनाथ मुंडे यांच्या अर्धपुतळ्याचे अनावरण माजी उपमुख्यमंत्री छगन भुजबळ यांच्या हस्ते झाले. 

कार्यक्रमास पंकजा मुंडे प्रमुख पाहुण्या होत्या. यावेळी आमदार जितेंद्र आव्हाड यांनी पंकजाताईंकडे केव्हाही गेले तर त्या कागदावर सहज सही करतात. त्यातुन पन्नास लाख, कोटी, दोन कोटी सहज मंजुर होतात. यावर शरद पवार यांनी मिश्‍कीलपणे पंकजा मुंडे यांच्यासमोर सहीसाठी पॅड धरेल होते. 

आपल्या भाषणात या धागा पकडत मुंडे म्हणाल्या, पवार साहेबांनी जो कागद दिला, तो ब्लॅंक होता. पवार साहेबांनी एखादी गोष्ट दिल्यावर त्याला दोन्ही बाजूंनी विचार करावा लागतो. पवार साहेब काय करतात, याच्याविषयी जर लोकांनी जर विचार केला तर त्यांचा ब्रेन आपोआप शार्प होतो. त्यामुळे मी म्हणाले, सर ते ब्लॅंक आहे. मी त्याच्यावर तरीही सही करायला तयार आहे. मी म्हणाले, मी सही करते सर, थोडी मला ढिल द्या. मी मंत्री आहे. राज्यात मी मंत्री म्हणुन काम करते. 

त्या पुढे म्हणाल्या, मी पंतप्रधान नरेंद्र मोदी, अमित शहा, मुख्यमंत्री देवेंद्र फडणवीस यांसह अनेक नेत्यांसमवेत काम करण्याची संधी मला मिळाली. मात्र गोपीनाथ मुंडेंनतर राजकारणात काम करतांना बीड मध्ये आमचा प्रमुख आणि प्रबळ विरोधक म्हणुन राष्ट्रवादी कॉंग्रेस विरोधात संघर्ष करावा लागला. त्यातुन मला खुप शिकायला मिळाले. पवार साहेब काय भूमिका मांडतात याकडे सबंध देशाचे लक्ष असते. त्या भूमिकेमागे काय भूमिका असेल याचा विचार करावा लागतो. त्यामुळेच त्यांनी ब्लॅंक पेपर दिला तरी मी त्यावर देखील सही करायला तयार आहे. त्यांनी फक्त मला थोडी सुट द्यावी. 

कार्यक्रमास माजी मंत्री बाळासाहेब थोरात, वनाधिपती विनायकदादा पाटील, आमदार हेमंत टकले, खासदार हरिश्‍चंद्र चव्हाम, आमदार सर्वश्री बाळासाहेब सानप, सीमा हिरे, देवयानी फरांदे, डॉ. राहूल आहेर, दिपीका चव्हाम, नरेंद्र दराडे, किशोर दराडे, माजी खासदार समीर भुजबळ, संयोजक व संस्थेचे अध्यक्ष कोंडाजीमामा आव्हाड, हेमंत धात्रक, जिल्हा परिषदेच्या अध्यक्षा शीतल सांगळे यांसह विविध पक्षांचे नेते उपस्थित होते. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com