भाजपचे सरचिटणीस लक्ष्मण सावजींनी केली सायकलवर पंढरीची वारी 

सहाय्यक आयुक्त हरिष बैजल आणि त्यांच्या सहकाऱ्यांची नाशिक सायकलिस्ट एसोसिएशनची नाशिक ते पंढरपूर सायकलची वारी झाली. यंदा पाचशे सायकलपटुंनी नाशिक ते पंढरपूर वारी केली. सोमवारी 13 जुलैला निघून नगर आणि टेंभुर्णी असे दोन मुक्काम करुन 360 किलोमीटरची वारी यशस्वीरित्या पूर्ण केली.
भाजपचे सरचिटणीस लक्ष्मण सावजींनी केली सायकलवर पंढरीची वारी 

नाशिक : आषाढी एकादशीची पंढरपुरची वारी हा महाराष्ट्राच्या सांस्कृतिक वारसा आहे. वारकरी, शेतकरी, व्यापारी, महिला, विद्यार्थी, कार्यकर्ते असे सगळेच वारीत योगदान देत असतात. गेल्या सात वर्षांपासून नाशिकचा सायकल क्‍लबही वारीत सहभाग होत आहे. यंदा त्यात भारतीय जनता पक्षाचे प्रदेश सरचिटणीस लक्ष्मण सावजी, नगरसेवक संतोष गायकवाड यांसह विविध राजकीय नेते सहभागी झाले होते. 

सहाय्यक आयुक्त हरिष बैजल आणि त्यांच्या सहकाऱ्यांची नाशिक सायकलिस्ट एसोसिएशनची नाशिक ते पंढरपूर सायकलची वारी झाली. यंदा पाचशे सायकलपटुंनी नाशिक ते पंढरपूर वारी केली. सोमवारी 13 जुलैला निघून नगर आणि टेंभुर्णी असे दोन मुक्काम करुन 360 किलोमीटरची वारी यशस्वीरित्या पूर्ण केली. यामध्ये सहाय्यक पोलिस आयुक्त राजेंद्र नखाते यांसह विविध अधिकारी. डॉक्‍टर्स, शासकीय कर्मचारी सहभागी झाले होते. श्री. गुरुजी रुग्णालयाच्या सात डॉक्‍टरांसह अनेक महिलांचा यात लक्षणीय सहभाग होता. राजकीय क्षेत्रात सक्रीय असलेले भाजपचे प्रदेश सरचिटणीस त्यात पहिल्यांदाच सहभागी झाले. त्यांनी वर्षभर त्याचा सराव केला होता. नांदुर शिंगोटे येथे त्यांची सायकल पंक्‍चर झाली. त्यामुळे त्यांना सायकल गाडीने पुढे न्यावी लागली. नगरच्या मुक्कामानंतरही पंक्‍चर झाली होती. पण त्यावर मात करुन त्यांनी वारी पूर्ण केली. 

डॉ. हरीष बैजल यांनी त्याचे उत्तम संयोजन केले. संयोजनामध्ये प्रवीण खाबिया, नंदू देसाई, नाना फड, डॉ. खैरे यांनी त्याचे आयोजन केले. त्यात रुग्णवाहिका. प्रत्येक पंचवीस किलोमीटरवर अल्पोपहार, वैद्यकीय पथक, मुक्कामाची व्यवस्था त्यात होती. त्यामुळे यंदाच्या आषाढी वारीत नाशिक सायकलिस्ट असोसिएशनची वारी चर्चेत राहिली. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com