परभणी : 'एमआयएम'चे प्रमुख असुद्दीन ओवैसी हे भाषण करण्यात तरबेज. अस्सल हैदराबादी लकबीतील त्यांचे भाषण म्हणजे श्रोत्यासाठी कर्णसुखच म्हणावे लागेल. परंतू ओवीसी यांचा नवीनच चेहरा बुधवारी समोर आला.
परभणीत निवडणुकीची सभा झाल्यानंतर ओवैसी यांनी चक्क व्यासपीठावरून पतंग उडविण्याची स्टाईल करून उपस्थित श्रोत्यांच्या टाळ्या मिळविल्या.
परभणीतील एमआयएमचे उमेदवार अली खान यांच्या प्रचार सभेसाठी ओवैसी बुधवारी (दि.9) परभणीत आले होते. दर्गा रोड परिसरातील मैदानात त्यांची सभा झाली. नेहमी प्रमाणे त्यांनी भाषणाला सुरुवात झाली.
35 मिनिटे भाषण केल्यानंतर ओवीसी यांचा सत्कार करण्यात आला. सत्कार झाल्यानंतर ओवैसी यांनी चक्क व्यासपीठावरूनच पंतग निशाणी असल्याचे सांगण्यासाठी पतंग उडविण्याची नक्कल करून दाखविली. यामुळे सभास्थळी टाळ्याचा कडकडाट झाला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.