उस्मानाबादेत शेतकरी संपात राष्ट्रवादी, युवासेना उतरली

उस्मानाबाद ः पडद्यामागून शेतकरी संपाला आपला पाठिंबा असल्याचे सांगणारे राजकीय पक्ष आता प्रत्यक्षात मैदानात उतरले आहेत. शेतकरी संप मागे घेतल्याच्या घोषणेनंतर आज चौथ्या दिवशी संपाची तीव्रता अधिकच वाढली.

राष्ट्रवादी व शिवसेनेची अंगीकृत शाखा असलेली युवासेना संपाच्या समर्थनार्थ रस्त्यावर उतरल्या.

उमरगा तालुक्‍यातील मरुम, आलूर व वाशी येथील आठवडी बाजारात शेतकरी आपला माल घेऊन न आल्याने हे बाजार भरलेच नाही. तूळजापूरमध्ये दूध घेऊन
जाणाऱ्या ट्रकवर आंदोलनकर्त्यानी दगडफेक करत तो रोखला.

तर दोन ठिकाणी रस्त्यावर दूध ओतून सरकारचा निषेध करण्यात आला. संप सुरु असतांना भाजीपाल
व फळांची विक्री करणाऱ्या विक्रेत्यांच्या हातगाड्या उलटवण्यात आल्या.अनेक ठिकाणी राष्ट्रवादीच्या कार्यकर्त्यांनी आठवडी बाजार बंद पाडतआक्रमक आंदोलन केले.