शिक्षक दाम्पत्यांवर अन्याय होणार नाही : हसन मुश्रीफ यांचा दिलासा

....
hasan mushrif 11.jpg
hasan mushrif 11.jpg

टाकळी ढोकेश्वर : बदल्यांच्या धोरणात बदल करू. शिक्षक दाम्पत्यांवर अन्याय होणार नाही, असे आश्वासन ग्रामविकासमंत्री, तथा पालकमंत्री हसन मुश्रीफ यांनी दिले.

नगर दौऱ्यावर आलेले मंत्री मुश्रीफ यांना प्राथमिक शिक्षक पती-पत्नी सेवा संघातर्फे शिक्षकांच्या बदल्यांच्या धोरणात बदल करण्याच्या मागणीचे निवेदन देण्यात आले. आमदार नीलेश लंके व शिक्षकांशी मुश्रीफ यांनी संवाद साधला. लंके म्हणाले, ""पारनेर तालुक्‍यात शिक्षकांची संख्या मोठ्या प्रमाणात आहे. त्यात शिक्षिका जास्त आहेत. नवीन बदली धोरण ठरविताना, शिक्षक दाम्पत्यांवर अन्याय होऊ नये. 2018 व 2019 मध्ये विभक्त झालेल्या सर्व शिक्षक दाम्पत्यांना एकत्र करण्याबाबत योग्य ते धोरण व शासननिर्णय मसुदा तयार करावा. या मागणीचा आपण सकारात्मक विचार करावा.''


मुश्रीफ यांनी, बदली धोरणात योग्य तो बदल करू, शिक्षकांवर अन्याय होऊ देणार नाही, असे आश्वासन दिले. संघटनेचे विजय काकडे, अंबादास काकडे, गजानन जाधव, गौतम साळवे, सय्यद अली, दादाभाऊ कोल्हे, रमेश कांडेकर उपस्थित होते.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com