डाॅ. नितीन राऊत यांनीही पाठवला राहुल गांधींकडे राजीनामा

डाॅ. नितीन राऊत यांनीही पाठवला राहुल गांधींकडे राजीनामा

नागपूर : लोकसभा निवडणुकीत दारुण पराभव झाल्यानंतर कॉंग्रेसचे अध्यक्ष राहुल गांधी यांनी अध्यक्षपदाचा राजीनामा दिला. यानंतर देशभरातून कॉंग्रेस पदाधिकारी राजीनामा देत आहेत. यात कॉंग्रेसच्या अनुसूचित जाती सेलचे राष्ट्रीय अध्यक्ष डॉ. नितीन राऊत यांची भर पडली असून, त्यांनी काल पक्षाध्यक्ष राहुल गांधी यांच्याकडे राजीनामा पाठविला आहे.

प्रत्येक राज्यात कॉंग्रेसला अपयश आले. या अपयशात आपलाही वाटा आहे, ही भूमिका घेत डॉ. राऊत यांनी राजीनामा सादर केला. लोकसभा निवडणुकांपूर्वी कार्यकर्ते जोमाने कामाला लागले होते. मात्र, यश आले नाही. यामुळेच हा राजीनामा देत असल्याचे कारण त्यांनी राजीनामापत्रातून कळविल्याची माहिती आहे. विधानसभा निवडणुकांसाठी परिश्रम घेऊ, अशी हमी त्यांनी दिली. 

त्या वेळी राजकीय कुरघोडी करीत अखिल भारतीय समिती तसेच प्रदेश प्रतिनिधी होण्यापासून डॉ. राऊत यांना रोखले होते. मात्र, माजी मंत्री असलेले डॉ. नितीन राऊत यांची मार्च 2018 मध्ये कॉंग्रेसच्या अनुसूचित जाती सेलच्या राष्ट्रीय अध्यक्षपदी नियुक्ती केली होती. कॉंग्रेस अध्यक्ष राहुल गांधी यांनी डॉ. राऊत यांची नियुक्ती केल्याची घोषणा जनार्दन द्विवेदी यांनी दिल्लीत केली होती.

''कॉंग्रेसचा निष्ठावान कार्यकर्ता म्हणून अव्याहतपणे काम सुरू आहे. पुढेही राहणार आहे. पक्षनेत्या सोनिया गांधी तसेच पक्षाध्यक्ष राहुल गांधी यांनी नवीन जबाबदारी दिली होती. ती सांभाळण्याचा प्रामाणिक प्रयत्न केला. निवडणुकीतील अपयशाची जबाबदारी स्वीकारत राजीनामा देत आहे. पक्षाध्यक्ष राहुल गांधी यांच्या पाठीशी सदैव उभा आहे. पक्षाला अधिक बळकट करण्याच्या दिशेने प्रयत्न करणार असल्याचे डॉ. नितीन राऊत म्हणाले.''

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com