मी म्हणालो होतो ना, क्रिकेट आणि राजकारणात काहीही होऊ शकतं !

नागपूर :  क्रिकेट आणि राजकारणात अगदी शेवटच्या क्षणी सुद्धा गेम पालटू शकतो आणि काहीही होऊ शकते. मागे मी आपल्याला हे सांगितलं होतं ते आज तुम्हाला पटले असेल, असे नितीन गडकरी आज म्हणाले. 

खासदार सांस्कृतिक महोत्सवाच्या माहितीसाठी आयोजित पत्रकार परिषदेत ते बोलत होते. गेल्या महिन्याभरापासून पत्रकारांसह सामान्य जनतेला चिंता लागली होती सरकार कोणाचे येणार, कसं येणार, काय होणार त्या सर्व प्रश्नांची उत्तरे आज देवेंद्र फडणवीस आणि अजित पवार यांनी महाराष्ट्राला दिली आहेत.

राज्यपालांनी दिलेल्या मुदतीत देवेंद्र फडणवीस आपला बहुमत सिद्ध करतील आणि एक स्थिर सरकार महाराष्ट्राला देतील, याचा मला विश्वास आहे, असेही गडकरी यावेळी म्हणाले.