युती होणार? नाही होणार? निश्चितपणे होणार, असे गडकरी म्हणताच हशा व टाळ्या!

युती होणार? नाही होणार? निश्चितपणे होणार, असे गडकरी म्हणताच हशा व टाळ्या!

नागपूर : आगामी विधानसभा निवडणुकीत शिवसेना आणि भाजप यांची युती होणार की नाही, असा प्रश्न खुद्द केंद्रीय मंत्री नितीन गडकरी यांनाही पडला. मात्र स्वतःच त्याचे उत्तर देत युती निश्चितपणे होईल, असे त्यांनी विश्वासाने सांगितले. त्यांच्या या वाक्यावर जोरदार टाळ्या पडल्या आणि हास्याचा स्फोट झाला.

भारतीय जनता पक्षाचे अध्यक्ष जे. पी. नड्डा यांच्या उपस्थितीत आज नागपूर येथे झालेल्या मेळाव्यात गडकरी यांनी जोरदार बॅटिंग केली. विदर्भातून भाजपला 100 टक्के यश मिळेल, असा विश्वास त्यांनी व्यक्त केला.

या वेळी भाषणात त्यांनी युती होईल, नाही होईल, असे सांगत पाॅझ घेतला आणि युती निश्चितपणे होईल, असे सांगितले. त्यावर टाळ्या पडल्या. समझनेवालों का इशारा काफी है, अशीही पुस्ती त्यांनी जोडली. 

भाजपच्या विजयाचे श्रेय कार्यकर्त्यांना आहे. ज्यांना तिकीट नाही मिळत त्यांना समजाविण्याचा माझा अनुभव दांडगा आहे.  निवडून आलेल्याच्या कार्याचे मूल्यांकन होते. त्यानंतर उमेदवारी दिली जाते. तिकीट देताना माझ्याही चुका आल्यात. तिकीट ज्याला मिळेल त्याच्या मागे झेंडा घेऊन उभे राहा, असे आवाहन त्यांनी केले. 

तिकीट न मिळाल्यावर त्याची वागणूक कशी आहे, यावर कार्यकर्त्याची कसोटी आहे, असाही सल्ला त्यांनी दिला. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com