न्यूज -18 च्या एक्झिट पोलमध्ये अशोक चव्हाण, सुशीलकुमार शिंदे , नवनीत राणा  अडचणीत

पुणे : न्यूज -18  आणि आयपीएसओएस  यांनी मिळून एक्झिट पोल  केला आहे. त्यात देशातल्या जवळपास सर्वच राज्यातल्या मतदारांच्या मनाचा कौल जाणून घेण्यात आला आहे.
महाराष्ट्रातील  एक्झिट पोलमध्ये  काँग्रेसचे अशोक चव्हाण ( नांदेड ), सुशीलकुमार शिंदे (सोलापूर) , राष्ट्रवादीच्या पाठिंब्यावर उभ्या असलेल्या अपक्ष उमेदवार नवनीत कौर राणा अमरावतीत अडचणीत असल्याचे भाकीत वर्तविण्यात आले आहे . 

सोलापुरात वंचित आघाडीमुळे सुशीलकुमार शिंदे अडचणीत आल्याचे नमूद केले असून  वंचित आघाडीमुळे शिवसेना - भाजप युतीला मोठा फायदा होईल, असे भाकीत या  एक्झिट पोलमध्ये वर्तविण्यात आले आहे . 

विदर्भात भाजप - शिवसेना युतीला चांगल्या जागा मिळतील तर नितीन गडकरी जिंकण्याची शक्यता या एक्झिट पोलमध्ये व्यक्त होते आहे . 

न्यूज -18 च्या एक्झिट पोलमध्ये महाराष्ट्रात प्रकाश आंबेडकर यांना अकोला आणि सोलापूर अडचणीत असल्याचे दाखवले आहे . 

 एक्झिट पोल हा अंदाज असतो . मी नांदेडमधून शंभर टक्के जिंकणार आहे . येत्या २३ तारखेला ते स्पष्ट होईल असे अशोक चव्हाण यांनी  न्यूज -18 शी बोलताना सांगितले .