पुणे : भारतीय जनता पक्षाचे सुरवातील दोन खासदार होते. आज केंद्रात फक्त तुमच्या पक्षासाठी आलेले 'अच्छे दिन" हे तुमच्या पक्षाच्या निष्ठावंत कार्यकर्त्यांमुळे आहेत आणि राज्यातले तुमच्या पक्षासाठी आलेले 'बुरे दिन" हे अशाच अहंकाराचं फळ आहे. आत्ता तरी सुधरा राव, असे म्हणत राष्ट्रवादी काँग्रेसचे आमदार रोहित पवार यांनी आशिष शेलार यांना प्रत्त्युत्तर दिले आहे. तसे ट्वीट त्यांनी केले आहे
मुंबई : राष्ट्रवादीचे एक नेते म्हणतात ६० तर दुसरे म्हणतात ५० जिंकू...आहेत त्या आठ टिकल्या तरी खूप झाले. बेडूक कितीही फुगला तरी त्याला अन्य कोणताही प्राणी थोडं होता येत? ज्या पक्षाला मुंबईत अध्यक्ष मिळायची मारामारी ते निघाले पालिकेच्या मिशनवर..विनोदीच आहे सगळं!पालिकेत अबकी बार भाजपा सरकार!, असे म्हणत भाजपचे आमदार आशिष शेलार यांनी राष्ट्रवादी काँग्रेसच्या मिशन २०२२ ची खिल्ली उडवली. त्याला रोहित पवार यांनी तातडीने उत्तर दिले.
दोन वर्षात मुंबई महानगरपालिका निवडणूक येत आहे.येत्या काळात राष्ट्रवादी काँग्रेसचे जास्त आमदार आणावयाचे आहेत. जास्तीत जास्त १० आमदार आणि महानगरपालिकेत ५० ते ६० नगरसेवक आले पाहिजेत, असे आवाहन अजित पवार यांनी काल केले होते.पवारांच्या या विधानाची आशिष शेलार यांनी आपल्या ट्वीटद्वारे खिल्ली उडवली होती. आता रोहित पवार यांनी त्याला ट्वीट द्वारे उत्तर दिले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.