आम्ही पवारांना भेटलो मात्र राष्ट्रवादीत प्रवेश केलेला नाही!

"आम्ही अजून राष्ट्रवादीत प्रवेश केलेला नाही.त्याबाबत आलेल्या बातम्या चुकीच्या आहेत."असे पडळकर यांनी स्पष्ट केले.
navnath-padalkar
navnath-padalkar

पुणे: "आम्ही शरद पवार यांना भेटलो मात्र राष्ट्रवादी काँग्रेसमध्ये प्रवेश केलेला नाही," असा खुलासा वंचित बहुजन आघाडीचे माजी महासचिव नवनाथ पडळकर यांनी केला आहे.

वंचित बहुजन आघाडीतून माजी आमदार बळीराम सिरस्कर, माजी आमदार हरिभाऊ भदे, नवनाथ पडळकर, अर्जुन सलगर या प्रमुख नेत्यांसह अनेक कार्यकर्ते बाहेर पडले होते. यातील काही नेते राष्ट्रवादी काँग्रेसच्या संपर्कात गेल्याच्या बातम्या आल्या होत्या. दोन दिवसांपूर्वी या नेत्यांनी राष्ट्रवादी कॉंग्रेसचे अध्यक्ष शरद पवार यांची भेट घेतली. या भेटीनंतर त्यांनी राष्ट्रवादी काँग्रेसमध्ये प्रवेश केला असे राष्ट्रवादीकडून सांगण्यात आले. तशा बातम्या प्रसिद्ध झाल्या मात्र नवनाथ पडळकर यांनी या बातम्या चुकीच्या आहेत आम्ही राष्ट्रवादीत प्रवेश केलेला नाही असे सांगितले.

ते म्हणाले,"आम्ही शरद पवार यांना भेटलो. आम्ही त्यांच्याकडे बारा मागण्या ठेवल्या आहेत. त्या सर्व सामाजिक आहेत. व्यक्तिगत नाहीत. ओबीसींची जातवार जनगणना व्हावी, धनगर समाजाच्या आरक्षणासाठी राज्य शासनाने केंद्र सरकारकडे शिफारस करावी, भटक्या विमुक्तांना सत्तेत वाटा मिळावा, धनगर समाजाला वीस टक्के वाटा मिळावा, या मागण्या केल्या आहेत. याबाबत आमची चर्चा झालेली आहे. अजून चर्चा होणार आहे. या चर्चेतून सकारात्मक प्रतिसाद मिळाला तरच पुढची वाटचाल होईल."

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com