जळगाव : भारतीय जनता पक्षाचे (BJP) नेते व माजी मंत्री गिरीश महाजन (Girish Mahajan) हे पूरग्रस्तांच्या (Floods) मदतीसाठी थेट कोकणात महाड (Mahad) येथे दाखल झाले आहेत. यापूर्वी सांगली, कोल्हापूर पूरग्रस्तांच्या मदतीसाठी ते तत्परतेने पोचले होते. भाजप परिवार म्हणून आम्ही बचावकार्य व सर्वोतोपरी मदतीसाठी प्रयत्न करीत आहोत, असे त्यांनी म्हटले आहे.
आमदार गिरीश महाजन यांना भाजपचे संकटमोचक म्हटले जाते. दोन वर्षांपूर्वी सांगली, कोल्हापूर येथे पूरग्रस्तांच्या मदतीसाठी ते तातडीने पोचले होते. त्यावेळी ते पुराच्या पाण्यात अडकले होते मात्र, त्याही स्थितीत त्यांनी मदत केली होती. आता कोकणात महाड येथे पूरग्रस्तांच्या मदतीसाठी ते विधान परिषदेचे विरोधी पक्षनेते प्रवीण दरेकर यांच्या समवेत पोचले आहेत.
गिरीश महाजन यांनी ट्विटरवरून महाडमधील पूर परिस्थितीची माहिती दिली आहे.त्यांनी फोटोही ट्विट केले आहेत. त्यांनी म्हटले आहे की, विरोधी पक्षनेते प्रवीण दरेकर यांच्या समवेत मी पूर ओसरल्यानंतर महाडची पाहणी केली. या ठिकाणची बाजारपेठ, बसस्थानक परिसराची परिस्थिती खूपच विदारक आहे. खासगी, शासकीय मालमत्तेचे मोठे नुकसान झाले आहे. या अकल्पनीय भीषण संकटातून सावरून उभे राहण्याचे मोठे आव्हान स्थानिक नागरिकांसमोर आहे. भाजप परिवार म्हणून आम्ही बचावकार्य व सर्वोतोपरी मदतीसाठी प्रयत्न करीत आहोत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.