राष्ट्रवादी काँग्रेसचे नेते सिध्दार्थ वनारसेंनी बोहाड्यात साकारले श्रीकृष्णाचे सोंग 

नाशिक जिह्यातील गोदाकाठी वसलेल्या चांदोरी गावात 21 जुलैपासून तेरा दिवसांच्या बोहाडा उत्सवास सुरवात झाली. सुमारे चारशे वर्षांची परंपरा व संस्कृतीचे प्रतीक म्हणून हा उत्सव ओळखला जातो.
राष्ट्रवादी काँग्रेसचे नेते सिध्दार्थ वनारसेंनी बोहाड्यात साकारले श्रीकृष्णाचे सोंग 

नाशिक : चांदोरी (निफाड) येथील चारशे वर्षांची परंपरा असलेल्या बोहाड्याची राज्यभर ख्याती आहे. अनेक राजकीय नेतेही त्यात सोंगे साकारतात. निफाडचे जिल्हा परिषद सदस्य व राष्ट्रवादी काँग्रेसचे नेते सिध्दार्थ वनारसे यांनी मंगळवारी महाभारतातील सुदर्शन चक्रधारी श्रीकृष्णाचे सोंग साकारले. त्यांचे हे नाट्य बघण्यासाठी सबंध तालुक्‍यातील नागरीक दाखल झाले होते. 

नाशिक जिह्यातील गोदाकाठी वसलेल्या चांदोरी गावात 21 जुलैपासून तेरा दिवसांच्या बोहाडा उत्सवास सुरवात झाली. सुमारे चारशे वर्षांची परंपरा व संस्कृतीचे प्रतीक म्हणून हा उत्सव ओळखला जातो. गणपती, सरस्वती, मच्छ-राक्षस, मारुती-जंबुमाळी, त्रिपुरासुर-शंकर, त्राटिका-राम लक्ष्मण, खंडेराव-दैत्य, वेताळ-विक्रमराजा, एकादशीदेवी-राक्षस, भस्मासुर-मोहिनी, इंद्रजीत-लक्ष्मण, रक्तादेवी-राक्षस, गजासुर-शंकर, भीमा-जरासंध, रावण-राम लक्ष्मण, वीरभद्र-दक्षप्रजापती, नरसिंह-हिरण्यकश्‍यपू अशा सोंगांची मिरवणूक काढली जाते. त्यानंतर जगदंबा व महिषासुराच्या युद्धात त्याचा वध करून विजयी जगदंबादेवीची मिरवणुकीने यात्रेची सांगता होते. 

अंगाला झोंबणारा गार वारा, गडद अंधारातही चैतन्यदायी प्रकाश देणारे टेंभे, संबळ, पिपाणी आणि डफ अशा पारंपरिक कर्णमधूर वाद्यांच्या तालावर लयबद्ध पदन्यास करणारे सोंगे हे त्याचे वैशिष्ट्य आहे. अनेक राजकीय नेतेही त्यात उत्साहाने सहभागी होत विविध सोंगे वठवतात. यंदा महाभारताचा अंक सादर करतांना त्यात राष्ट्रवादी काँग्रेसचे नेते सिध्दार्थ वनारसे यांचे सोंगाला ग्रामस्थांच्या चांगल्याच टाळ्या मिळविल्या. तालुक्‍यातील सर्वच राजकीय मंडळी यावेळी उपस्थित होती. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com