पंतप्रधान नरेंद्र मोदी हे भारताचे पंधरावे पंतप्रधान आहेत. 2001 ते 2014 पर्यंत गुजरातचे मुख्यमंत्री राहिलेल्या नरेंद्र मोदी यांनी गुजरातमध्ये केलेल्या विकासाच्या व हिंदुत्ववादी प्रतिमेच्या बळावर 2014 च्या लोकसभा निवडणुकीत स्वतःचा प्रभाव दाखवत, निवडणुकीची सारी सुत्रे हाती घेत भाजपला संपूर्ण बहुमत मिळवून दिले. ते संघाचे स्वयंसेवक व हिंदुत्ववादी विचारसरणीचे आहेत.
गुजरातमध्ये प्रचारक म्हणून काम करताना त्यांनी राज्यात आपली घट्ट पकड निर्माण केली. केशुभाई पटेल यांच्यानंतर ते गुजरातचे मुख्यमंत्री झाले. त्यानंतर राष्ट्रीय राजकारणातही त्यांनी स्वतःची ओळख निर्माण झाली. अडवानी यांच्या रथयात्रेत त्यांनी महत्त्वाची भूमिका बजावली होती. अंत्योदय, बेटी बचाओ, बेटी पढाओ, सुकन्या समृद्धी, नोटाबंदी, जीएसटी, स्वच्छता अभियान, सर्वांसाठी घरे योजना, जन-धन योजना, इत्यादी योजना राबवून त्यांनी जनमानसात स्वतःची वेगळी ओळख निर्माण केली.
आकाशवाणीवरून " मन की बात' या कार्यक्रमाद्वारे जनतेशी थेट संवाद करणारे ते पहिलेच पंतप्रधान आहेत. राष्ट्रीय राजकारणात सतत चर्चेमध्ये राहण्याचे कसब त्यांच्याकडे आहे. पंतप्रधानपदाची सूत्रे घेतल्यानंतर देशातील काही मोजकी राज्य वगळता देशात सर्वत्र भाजपने सत्ता हाती घेतली. 2019 मध्ये होणारी निवडणूक ही त्यांचा नेतृत्वाखाली लढवून पुन्हा देशात भाजपची सत्ता आणण्यासाठी त्यांची पूर्वतयारी जोमाने सुरू आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.