सावंतवाडी (सिंधुदुर्ग): मुख्यमंत्री देवेंद्र फडणवीस मंगळवारी (ता. 15) नितेश राणे यांच्या प्रचारानिमित्त कणकवलीत प्रचारसभा घेणार आहेत. या वेळी आयोजित जाहीर सभेत महाराष्ट्र स्वाभिमान पक्ष भाजपमध्ये विलीन करण्यात येणार असल्याची घोषणा माजी मुख्यमंत्री नारायण राणे यांनी गुरुवारी येथे केली.
सावंतवाडीत राणे यांनी पत्रकारांशी संवाद साधताना याबाबत माहिती दिली. ते म्हणाले, "पालकमंत्री म्हणून निष्क्रिय ठरलेले दीपक केसरकर पुन्हा आमदार म्हणून निवडून येऊ नयेत, यासाठी आम्ही भाजप पुरस्कृत अपक्ष उमेदवाराला पाठिंबा दिला आहे. येथील जनतेने राजन तेली यांच्यासारख्या विकास करणाऱ्या उमेदवाराला निवडून द्यावे. पालकमंत्री केसरकर या ठिकाणचे स्थानिक आमदार आहेत; मात्र गेल्या पाच वर्षांत त्यांचे काम पाहिले असता निष्क्रिय आमदार म्हणून त्यांची वाटचाल राहिली.''
राणे म्हणाले, "कॉंग्रेस व राष्ट्रवादी दोन्ही पक्ष गलितगात्र झाले असून, ही विधानसभा निवडणूक महाराष्ट्रात एकतर्फी होईल. कणकवली येथे मुख्यमंत्री देवेंद्र फडणवीस यांची जाहीर सभा मंगळवारी होणार आहे. यानंतर मी पक्ष देईल त्या ठिकाणी जाऊन प्रचारसभेची जबाबदारी पार पाडणार आहे.'' कणकवलीत शिवसेनेने युती तोडल्याबद्दल विचारले असतात त्याबाबत शिवसेनेने उत्तर द्यावे, असे राणे यांनी स्पष्ट केले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.