सत्तास्थापनेसाठी भाजपला सहकार्य करणार - राणे 

पुणे- सत्ता स्थापनेसाठी भाजप प्रयत्नशील आहे. सत्तास्थापनेसाठी मी भाजपला सहकार्य करेल, असे खासदार नारायण राणे यांनी पत्रकारांशी बोलताना आज सांगितले. 

माजी मुख्यमंत्री देवेंद्र फडणवीस यांची भेट घेतल्यानंतर राणे पत्रकारांशी बोलत होते. ते म्हणाले, की आज मी फडणवीस यांची भेट घेतली. भेटल्यानंतर सत्ता स्थापन करण्यासाठी प्रयत्न करण्याचे ठरले. सत्ता स्थापन्यासाठी भाजप प्रयत्नशील आहे. त्यासाठी जे-जे करावे लागेल, ते सहकार्य करणार आहे. 

कॉंग्रेस आणि राष्ट्रवादीच्या आघाडीबरोबर शिवसेना जाणार नाही. विलंब ज्यांच्यामुळे होतोय, तेच आजच्या परिस्थितीला जबाबदार आहेत, अशी टीकाही खासदार राणे यांनी शिवसेनेवर केली.