आयजी नांगरे पाटलांच्या टिमचे बारामतीत छापे

आयजी नांगरे पाटलांच्या टिमचे बारामतीत छापे

बारामती शहर : कोल्हापूर परिक्षेत्राचे विशेष पोलिस महानिरीक्षक विश्वास नांगरे पाटील यांच्या पथकाने बारामती शहर, बारामती तालुका व वडगाव निंबाळकर पोलिस ठाण्याच्या हद्दीत कारवाई करत मटका व्यावसायिकांवर गुन्हे दाखल केले. 


थेट महानिरिक्षकांच्या पथकाने या तिन्ही पोलिस ठाण्याच्या हद्दीत येत कारवाई केल्याने परिसरात आज तो चर्चेचा विषय होता. या तिन्ही पोलिस ठाण्यात यासंदर्भात विविध गुन्हे दाखल झाले आहेत. बारामतीत अनेक ठिकाणी किरकोळ स्वरूपात तर काही ठिकाणी मोठ्या स्वरूपात अवैध व्यवसाय चालतात. सगळ्या बारामतीकरांनाही ते दिसतात. मात्र पोलिस तक्रार येईपर्यंत कारवाईच करायची नाही अशी भूमिका घेतात. अनेकदा या व्यवसायाच्या वर्चस्वावरुन मारामाऱ्या घडल्या आहेत. मध्यंतरी शहरात खूनही झाला. या पार्श्वभूमीवर पोलिसांची कारवाई अपेक्षित असूनही ती झाली नव्हती.

नांगरे पाटील यांनी परीक्षेत्रातील अवैध धंद्यांवर कारवाई करण्यासाठी स्वतंत्र पथक नेमले आहे. पोलिस अधीक्षक संदीप पाटील यांनी असे अवैध धंदे सुरू असल्याचे दिसल्यास संबंधित पोलिस अधिकाऱ्यांवर कारवाईचा आदेश वेळोवेळी दिला आहे. पोलिस अधीक्षकांनीही यासाठी स्वतंत्र पथक तयार केले आहे. तरीही हे धंदे बंद होत नसल्याचे दिसून येत आहे. अशी पथके खरेच यासाठी कार्यक्षम ठरतात की पोलिसांमधील वेगळ्याच स्पर्धेसाठी ही पथके कार्यरत असतात, असाही संशय यामुळे निर्माण होत असल्याची चर्चा आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com