अंबाजोगाई (जि. बीड) : दिवंगत लोकनेत्या माजी आरोग्यमंत्री डॉ. विमलताई मुंदडा यांची सून नमिता अक्षय मुंदडा यांनी पॅरिस येथील विद्यापीठातून वास्तू विशारद (आर्किटेक्‍ट) अभ्यासक्रमाची पदव्युत्तर पदवी प्राप्त केली आहे. विशेष म्हणजे त्यांनी मतदार संघात विधानसभेची तयारी करतानाच ही पदवी प्राप्त केली आहे. पॅरिस येथील विद्यापीठातून "मास्टर्स इन इंजिनिअरींग ऍन्ड आर्किटेक्‍चर ' या अभ्यासक्रमासाठी जगभरातून 35 तर देशातील दोन विद्यार्थ्यांमध्ये नमिता मुंदडा पात्र ठरल्या होत्या.
एकिकडे विधानसभा निवडणुक लढविण्यासाठी मतदार संघात तयारी करतानाच महिन्यातील सात दिवस विद्यापीठात बंधनकार असलेली हजेरी पूर्ण करणे असे दुहेरी कसरत त्यांनी पेलली आहे. मुंबईच्या कमला रहेजा अभियांत्रिकी महाविद्यालयातून वास्तू विशारद (आर्किटेक्‍ट) पदवीत त्या गोल्ड मेडॅलिस्ट आहेत. सध्या त्या मोठमोठ्या बांधकाम प्रकल्पांचे डिझाईन तयार करतात.
नमिता मुंदडा यांनी डिझाईनचे केलेल्या कामाचे "इनसाईड आउटसाईड' या स्थापत्य क्षेत्रातील नामांकित जुन्या राष्ट्रीय मासिकाने कौतुकही केलेले आहे. पदवी मिळविण्यासाठी पॅरिस विद्यापीठात महिन्यातले किमान सात दिवस हजेरी आणि आणि इकडे मतदार संघातील कायम जनसंपर्क तुटू न देण्याची किमया त्यांनी पार पाडली आहे. यामुळे आता त्यांच्या नावापुढे "मास्टर्स इन इंजिनिअरींग ऍन्ड आर्किटेक्‍चर' ही पदवी तर लागली आहे. आता राजकीय प्रयत्नातून "आमदार'कीची संधी मिळेल का, याकडे अनेकांचे लक्ष आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.