पृथ्वीराजबाबा कॉंग्रेसचे प्रदेशाध्यक्ष ?

पृथ्वीराजबाबा कॉंग्रेसचे प्रदेशाध्यक्ष ?

मुंबई : कॉंग्रेसचे प्रदेशाध्यक्ष बाळासाहेब थोरात तसेच राष्ट्रवादी कॉंग्रेसचे प्रदेशाध्यक्ष जयंत पाटील यांचा मंत्रिमंडळात समावेश झाल्यामुळे दोन्ही कॉंग्रेसमध्ये प्रदेशाध्यक्षपदाच्या नियुक्‍तीच्या हालचाली सुरू झाल्या आहेत. 

कॉंग्रेस प्रदेशाध्यक्षपदासाठी माजी मुख्यमंत्री पृथ्वीराज चव्हाण यांचे, तर राष्ट्रवादी कॉंग्रेसच्या प्रदेशाध्यक्षपदासाठी विधान परिषदेचे माजी विरोधी पक्षनेते धनंजय मुंडे यांच्या नावांची जोरदार चर्चा सुरू आहे. 

चव्हाण आणि मुंडे यांच्या नावाला दोन्ही कॉंग्रेसमध्ये पसंती असल्याचे सांगितले जाते. त्यामुळे मंत्रिमंडळाच्या संभाव्य विस्तारात या दोन नेत्यांचा समावेश होणार नसल्याचे दोन्ही पक्षांतील सूत्रांकडून सांगण्यात येते. 

राज्यात तीन पक्षांचे सरकार आल्यानंतर मुख्यमंत्री उद्धव ठाकरे यांच्यासह या तीन पक्षांच्या सहा मंत्र्यांचाही शपथविधी पार पडला होता. यानंतर आठवडाभराचे नागपूर येथील हिवाळी अधिवेशनही पार पडले. मंत्रिमंडळाचा विस्तार येत्या 30 तारखेला होणार असल्याचे सांगितले जाते. मुख्यमंत्री ठाकरे यांच्याबरोबर कॉंग्रेस प्रदेशाध्यक्ष बाळासाहेब थोरात आणि राष्ट्रवादी कॉंग्रेसचे प्रदेशाध्यक्ष जयंत पाटील यांनी शपथ घेतली. 

त्यांच्या जागी नवीन चेहऱ्यांची निवड करण्याच्या हालचालींना वेग आला आहे. कॉंग्रेस पक्षाचा निर्णय दिल्लीतील हायकमांड घेत असते, तर राष्ट्रवादी कॉंग्रेस पक्षाचा निर्णय अध्यक्ष शरद पवार घेत असतात. कॉंग्रेस पक्षात पृथ्वीराज चव्हाण यांनी प्रदेशाध्यक्षपद सांभाळायचे, असे कॉंग्रेस हायकंमाडला वाटत असल्याचे सांगण्यात येते. 

तर. राष्ट्रवादी कॉंग्रेसने संघटनात्मक पातळीवर तरुण, बहुजन चेहऱ्यांना संधी देण्याचा निर्णय घेला आहे. त्यामुळे आक्रमक धनंजय मुंडे पक्षविस्तारासाठी उपयुक्‍त ठरू शकतात, अशी अटकळ राष्ट्रवादीकडून बांधली जात आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com