नागपूर : सामाजिक न्याय मंत्री राजकुमार बडोले यांनी केंद्रीय भूपृष्ठ वाहतूक मंत्री नितीन गडकरी यांच्या मेणाच्या पुतळ्याशीच हस्तांदोलन केल्याने उपस्थितांमध्ये खसखस पिकली.
नितीन गडकरी यांच्या वाढदिवसानिमित्त सुनील्स सेलिब्रिटी वॅक्‍स म्युझियमचे सुनील कंडुल्लूर यांनी हा पुतळा तयार केला आहे. हा पुतळा 27 रोजी गडकरी यांच्या घरी ठेवण्यात आला होता. सोफ्यावर बसलेले गडकरी असा हा मेणाचा पुतळा तयार केला होता. अनेकांना या पुतळ्यामुळे बुचकाळ्यात टाकले. दूरून हुबेहूब गडकरी वाटत होते. यामुळे अनेकांची फसगत झाली. यातून सामाजिक न्यायमंत्री राजकुमार बडोलेही सुटले नाहीत.
गडकरींना शुभेच्छा देण्यासाठी बडोले कार्यकर्त्यांसह आले. त्यांना अंगणात ठेवलेला मेणाचा पुतळा दिसला. परंतु त्यांना तो पुतळा मेणाचा आहे. याची ओळख पटली नाही. त्यांना प्रत्यक्षात गडकरी बसून असल्याचे वाटले. त्यांनी समोर जाऊन मेणाच्या पुतळ्याशी हस्तांदोलन केले. यावेळी बाजूला उपस्थित असलेल्या लोकांनी या फिरकीचा हसून आनंद घेतला. बडोले यांना हा मेणाचा पुतळा असल्याचे समजल्यानंतर मात्र घरात जाऊन गडकरींशी प्रत्यक्षात हस्तांदोलन केले व वाढदिवसाच्या शुभेच्छा दिल्या.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.