नागपूर : लॉकडाऊन आणि कलम 144 लागल्यानंतरही शहरात विनाकारण रस्त्यांवर फिरणाऱ्यांविरूद्ध पोलिसांनी आक्रमक भूमिका घेतली आहे. काल दिवसभरात तब्बल 3286 जणांवर प्रतिबंधात्मक कारवाई करण्यात आली. तसेच अनेकांची वाहने जप्त करण्यात आली असून काहींना रस्त्यावर पोलिसांनी चांगलाच चोप दिला.
सोमवारी 1734 वाहनचालकांविरुद्ध वाहतूक शाखा पोलिसांनी चालान कारवाई केली. सोमवारी वाहतूक शाखा पोलिसांनी कार व सात ऑटोरिक्षांसह 80 वाहनचालकांची वाहने जप्त केली. याशिवाय विनाकारण फिरणाऱ्या 126 नागरिकांनाही पोलिसांनी ताब्यात घेतले. सायंकाळी त्यांची सुटका केली. आदेशाचे उल्लंघन करणाऱ्या 12 नागरिकांविरुद्ध तर लॉकडाऊन असतानाही प्रतिष्ठाने उघडणाऱ्या पाच मालकांविरुद्धही पोलिसांनी गुन्हे दाखल केल्याची माहिती आहे.
काल दिवसभरात पोलिसांनी 123 जणांना विनाकारण फिरताना पकडले. त्यांच्यावर कायदेशीर कारवाईसह चांगला चोपही देण्यात आला. नागरिकांनी कोरोना व्हायरसचा प्रादुर्भाव आणि फैलाव होऊ नये म्हणून लॉकडाऊन आणि कलम 144 चे पालन करण्याचे आवाहन पोलिसांनी केले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.