महापौरांना मिळाली नवी कोरी गाडी

नागपूरच्या महापौर नंदा जिचकार पाठदुखीने बेजार झाल्या होत्या. या पाठदुखीवर इलाज करण्यासाठी महापालिका प्रशासनाने पावले उचलणे आवश्‍यक होते. त्यानुसार महापालिका प्रशासनाने लगेच कार्यवाही करीत साडेचौदा लाख रुपये किमतीची टोयोटा कोरेला गाडी खरेदी केली.
nagpur-car
nagpur-car

नागपूर : नागपूरच्या महापौर नंदा जिचकार पाठदुखीने बेजार झाल्या होत्या. या पाठदुखीवर इलाज करण्यासाठी महापालिका प्रशासनाने पावले उचलणे आवश्‍यक होते. त्यानुसार महापालिका प्रशासनाने लगेच कार्यवाही करीत साडेचौदा लाख रुपये किमतीची टोयोटा कोरेला गाडी खरेदी केली. 

महापौरांची गाडी जुनी होंडा सिटी होती. या गाडीला तब्बल सात वर्षे झाली होती. या गाडीने महापौरांची पाठदुखी अधिकच वाढली होती. त्यामुळे पाठदुखी दूर करण्यासाठी नवी गाडी पाहिजे, असा तर्क महापौर नंदा जिचकार यांनी महापालिका आयुक्त श्रावण हर्डीकर यांच्यापुढे मांडला. आयुक्तांनीही "काहीही हरकत नाही' असे म्हणून नोट पुटअप केली. 

नागपूरच्या प्रथम नागरिकाच्या आरोग्याचा प्रश्‍न असल्याने स्थायी समिती व वित्त अधिकाऱ्यांनी कोणतेही आक्षेप न घेता, या खर्चाला विनासायास मंजुरी प्रदान केली. लगेच टोयोटा कोरेला गाडी महापौरांच्या कार्यालयासमोर उभी राहिली. आता महापौरांना कोणतीही पाठदुखी राहणार नसल्याने जनतेच्या सेवेत त्या अधिक जोमाने करणार असल्याचे दृष्य नागपूरकरांना पाहायला मिळणार आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com