माजी मुख्यमंत्री वसंतराव नाईक यांच्या समाधीवर कोसळली वीज

नागपूर : काल मध्यरात्रीनंतर यवतमाळ जिल्ह्याच्या पुसद शहरासह तालुक्यातील ग्रामीण भागांत अवकाळी पावसाने चांगलाच धुमाकूळ घातला. अनेक  ठिकाणी वीज कोसळली. गहुली येथे महाराष्ट्राचे माजी मुख्यमंत्री वसंतराव नाईक यांच्या समाधिस्थळावरील घुमटावर वीज कोसळली. यामुळे समाधिस्थळाचे मोठे नुकसान झाले.  

वसंतराव नाईक यांच्या समाधिस्थळाजवळ राजुसिंग नाईक यांचीही समाधी आहे. या समाधीस्थळाचेही वीज पडल्याने नुकसान झाले. हवामान खात्याने विदर्भातील काही जिल्हयात विजेसह अवकाळी पाऊस पडणार असा अंदाज वर्तविला होता. हवामान खात्याने लावलेला तो अंदाज पुसद तालुक्यात बरोबर लागू झाला आहे. तालुक्यात १८ मार्च रोजी दिवसभर उन्हाचे चटके लागत होते. मात्र रात्र होताच होता थंडी पडण्यास सुरुवात झाली. त्यानंतर रात्री १ वाजताच्या सुमारास पावसाला सुरुवात झाली. गहुली गावात रात्री पावसासह विजेचा कडकडाट ग्रामस्थांनी अनुभवला आहे. गहुली येथील वसंतराव नाईक व राजुसींग नाईक यांची समाधी असून अचानक पावसासह समाधी स्थळाच्या घुमटावर रात्री १ वाजताच्या दरम्यान वीज कोसळल्यामुळे मोठे नुकसान झाले आहे. 

हेही वाचा : येवढंच सांगा की, तुम्ही हा खर्च खिशातून केलात की सरकारी तिजोरीतून ?

विजेमुळे समाधिस्थळाचे मोठे नुकसान झाले. ही बाब सर्वात पहिले नाईक यांच्या शेतात काम करणारे त्यांचे कामगार विनोद ढगे यांच्या निदर्शनास आली. त्यानंतर त्यांनी गावातील पंचायत समिती सदस्यांचे पती रूपेश जाधव यांना ओंकार राठोड यांनी फोन करून माहिती दिली. समाधी स्थळावर पडलेल्या विजेमुळे मोठे नुकसान झाले असून लोकप्रतिनिधींनी समाधिस्थळाची पाहणी करून समाधिस्थळ पूर्वी सारखेच करण्याची मागणी नागरिकांकडून होत आहे. वसंतराव नाईक यांचे नातू भाजपचे आमदार निलय नाईक यांच्यासह तहसीलदार पुसद यांनी केली समाधी स्थळाची पाहणी केली.

पुसद तालुक्यातील ग्रामीण भागासह शहरी भागात अवकाळी पावसाने मध्यरात्रीनंतर धुमाकूळ घातला. तालुक्यात अवकाळी पावसासह वीज कोसळयाच्या घटना घडल्या. तालुक्यातील गहुली येथील महाराष्ट्राचे माजी मुख्यमंत्री स्वर्गीय वसंतराव नाईक व राजुसिंग नाईक यांच्या समाधी स्थळावरील घुमटावर अचानक वीज कोसळल्याने मोठे नुकसान झाले. बांधकाम केलेल्या अनेक भागांना तडे गेले आहेत. 
Edited By : Atul Mehere