सिडको : पाथर्डी फाटा उत्तम नगर पवननगर या परिसरात वेळी-अवेळी होणाऱ्या पाणी पुरवठ्यामुळे नागरिक हैराण झाले आहेत. महापालिकेच्या या अनागोंदी कारभाराच्या विरोधात सिडकोतील शिवसेना नगरसेविका किरण गामणे-दराडे व त्यांचे पती योगेश (बाळा) दराडे यांनी आज चक्क जलकुंभावर चढून मनपा व महापौरांचा निषेध करीत आंदोलन केले.
सिडको विभागातील पाणीपुरवठा करण्यासाठी पाथर्डी फाटा येथे जलकुंभ आहे. काही दिवसापासून प्रभाग क्रमांक २७, २८ आणि २९ प्रभागात वेळेवर पाणीपुरवठा होत नसल्यामुळे नागरिकांनी महापालिका कार्यालयात अनेक तक्रारी केल्या. परंतु वेळोवेळी तक्रारी करून देखील पाणीपुरवठा विभागाचे अधिकारी व कर्मचारी याकडे लक्ष देत नसल्याचा आरोप नगरसेविका किरण गोमणे यांनी केला.
या भागातील नागरिकांनी देखील वेळोवेळी लोकप्रतिनिधींकडे तक्रारी मांडल्यानंतर नगरसेविका किरण गामणे यांनी आपले पती व नागरिकांसह पाथर्डी फाटा येथील जलकुंभावर चढून शोले स्टाईल आंदोलन केले.
शिवसेना नगरसेविका किरण गामणे यांनी ऑनलाइन महासभेत सहभाग नोंदवत आपल्या प्रभागातील पाणी सत्ताधारी पक्षाचे महापौर हे स्वतःच्या प्रभागात पळवत असल्याचा आरोप केला. तसेच सिडको परिसराचे पाणी पळवणाऱ्या महापौरांचा निषेध असो,भाजप महापौर हाय हाय अशा घोषणाही दिल्या.
Edited By : Jagdish Pansare
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.