आमदार मुरकुटे, आमदार शिवाजी कर्डिलेंनी पाप केले! 

आमदार मुरकुटे, आमदार शिवाजी कर्डिलेंनी पाप केले! 

सोनई (नगर) : सोनईसह अठरा गावांची पाणी योजना सुरु करण्याच्या मागणीसाठी आज सोनई-राहुरी रस्त्यावर तीन तास रास्तारोको आंदोलन झाले. पाण्यासाठीच्या आंदोलनात गडाख समर्थकांनी आगामी विधानसभा निवडणुकीत आमदार बाळासाहेब 'मुरकुटे हटाव'चा नारा दिला.

सोनईसह करजगाव, शिरेगाव, खेडलेपरमानंद, खरवंडी आणि इतर अकरा गावाची ८५ कोटी रुपये खर्चाची ही योजना माजी आमदार शंकरराव गडाख यांच्या प्रयत्नातून मंजूर झाली. या योजनेसाठी लोकवर्गणी आणि प्रत्यक्ष काम मार्गी लावण्यासाठी गडाखांची भुमिका महत्वाची असताना योजना आमदार मुरकुटेंच्या कारकिर्दीत पूर्ण झाली. श्रेयवादाचे राजकारण अनेक दिवसांपासुन सुरु असतानाच ही योजना वर्षभरात अनेकदा चालु-बंद अवस्थेत आहे. 

आज अठरा गावातील ग्रामस्थांनी रस्त्यावर ठिय्या मांडला. गडाख समर्थकांनी बारा दिवसांपासून पाणी बंद असल्याचा राग आमदार मुरकुटे यांच्यावर काढला. प्राधिकरणच्या अधिका-यांनी योजनेचे काम अपूर्ण असल्याचे मान्य केल्याने अनेकांनी विद्यमान आमदारांवर भ्रष्टाचाराचे जाहीर आरोप केले. माजी आमदार गडाखांनीही मुरकुटेंच्या फसव्या नितीचा बुरखा फाडला. नातेवाईकांच्या अडून ठेकेदारी सुरु असल्याचा आरोप त्यांनी केला. "जय हरी.. बसवा घरी", "पाणी आमच्या हक्काचं, नाही कुणाच्या बापाचं" अशा घोषणा या वेळी देण्यात येत होत्या. तब्बल तीन तासानंतर जीवन प्राधिकरणच्या अधिका-यांनी काम अपूर्ण असल्याचे मान्य केल्यानंतर अंदोलन स्थगीत करण्यात आले. 

आमदार मुरकुटे व आमदार शिवाजी कर्डिले यांनी या योजनेतून राहुरी तालुक्यातील तीन गावांना बेकायदा पाणी देण्याचे पाप केल्याचा आरोप करुन शंकरराव गडाखांनी याबाबत न्यायालयात याचिका दाखल करणार असल्याचे सांगितले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com